صوبائی وزیر میر ہزار خان بجرانی تے اہلیہ دیاں لاشاں ڈیفنس توں برآمد
کراچی (سرائیکی نیوز۔جلیل احمد لاشاری)صوبائی وزیر میر ہزار خان بجرانی تے انہاں دی اہلیہ فریحہ رزاق دیاں لاشاں ڈیفنس اچ واقع ھک گھر توں برآمد تھئیاں ھن ایس پی کلفٹن دے مطابق مدد گار ١٥ تے اطلاع موصول تھئی کہ ڈیفنس اچ واقعے ھک گھر اچ ٢ لاشاں موجود ھن، میر ہزار خان بجرانی دے خاندانی ذرائع دے مطابق تصدیق کیتی کہ ڈیفنس اچ واقع انہاں دے گھر توں صوبائی وزیر تے انہاں دی اہلیہ دیاں لاشاں برآمد تھیاں ۔ جنہاں کوں فائرنگ کر کے قتل کیتا گئیا ، تاہم ھن تک ایں گالھ دی تصدیق نی تھئی سکی کہ فائرنگ گھر اچ کہیں نے کیتی یا کوئی باہروں آیا ھا ۔
ڈوجہے پاسے پیپلز پارٹی دے چند حلقیاں دی طرفوں وی ایں گالھ دی تصدیق تھئی ھِ کہ میرہزار خان بجارانی دا شمار پاکستان پیپلز پارٹی دے سینئر ترین رہنماوواں اچ تھیندا ھا او ١٩٩٠ توں ١٩٩٣ تے ١٩٩٧ توں ٢٠١٣ تک رکن قومی اسمبلی رھے ھن ٢٠١٣ دے عام انتخاب اچ میر ہزار خان بجارانی سندھ اسمبلی دے حلقہ پی ایس ١٦ توں ممبر صوبائی اسمبلی منتخب تھئے ھن تے ایں ویلے انہاں دے کول پلاننگ اینڈ ڈویلپمنٹ دی وزارت دا قلمدان ھا ، او جیکب آباد توں رکن قومی اسمبلی منتخب تھئے ھن۔
