نقیب اللہ دا پولیس مقابلہ مشکوک ھِ ، آئی جی سندھ
کراچی (سرائیکی نیوز) آئی جی سندھ اللہ ڈنو خواجہ دا آکھن ھِ کہ نقیب اللہ محسود پولیس مقابلہ مشکوک ھِ آئی جی سندھ اے ڈی خواجہ نے میڈیا نال گالھ مہاڑ کریندے ہووے کراچی نوجوان نقیب اللہ دی ہلاکت دے حوالے نال بنڑائی گئیاں تحقیقاتی کمیٹی نے ابتدائی رپورٹ جمع کرائی ھ تے کمیٹی دی طرفوں جو وی سفارشات ملیاں ھن انہاں تے کم تھیندا پئے ابتدائی رپورٹ دے مقابلے کوں مشکوک قرار ڈیتا گئیا ھِ اے او نقیب اللہ کینی جیندے خلاف سچل تھانڑے اچ ٢٠١٤ اچ ایف آئی درج ھائی، پہلی واری مشکوک معاملہ سامنڑیں آیا ھِ ایندی انکوائری تھیندی پئی ھِ
آئی جی سندھ نے آکھیا ھا کہ شفاقیت تے انصاف دے نال تمام تر معاملے کوں ڈیکھا ویسی ، اساڈی پوری کوشش ھِ تحقیقات انداز اچ ہون ایں واسطے ڈعنہاں افسراں کوں ہٹایا گئے، ڈونہاں افسران دی معطلی واسطے چیف سیکریٹری کوں خط لکھ ڈیتا ھِ جبکہ تحقیقاتی کمیٹی کوں رپورٹ مکمل کرن کیتے مزید ٥ ڈنہیں ڈیتے ھن۔ انہاں دا آکھن ھِ کہ نقیب محسود دے گھر والیاں دے بیان قلمبند تھیون باقی ھن ، ایں وقت او لوگ کراچی اچ ھی کینی ، مفروصیاں دی بنیاد تے انکوائری نی تھیندی۔
