انڈین فلماں تے انڈین اشتہارات دی پاکستان اچ تشہیر کرن افسوسناک ھِ ، فیصل شہزاد چغتائی

کراچی(سرائیکی نیوز) چیئرمین اساں سرائیکی ویلفیئر آرگنائزیشن و انچیف ایڈیٹر سرائیکی نیوز فیصل شہزاد چغتائی نے آکھیا کہ پاکستانی میڈیا ٹی وی چینلز تے کیبل نیٹ ورک چلاون تے پابندی لائی ونجے کھلے عام اساڈا پاکستانی میڈیا انڈیا دیاں فلماں تے اشتہارات دی تشہیر کرن اچ مصروف ھِ حکومت کوں ایں بارے سنجیدگی نال سوچن دی لوڑ ھِ تے ایہو جئے اداریاں کوں ہٹکا ونجے جو انڈیا دوست پالیسی دی نظر اچ پیسے گھیندے پئن۔ انہاں نے مزید آکھا کہ پورے پاکستان اچ ٹی وی کیبل نیٹ ورک چلاون والیاں دے خلاف کارروائی کیتی ونجے تے انہاں کوں پابند کیتا ونجے کہ پاکستانی چینلزز ڈیکھائے ونجن انڈین تمام ٹی وی چینل دی تشہیر پاکستان اچ بند کیتی ونجے۔ ایں تقریب اچ جنرل سیکریٹری آرگنائزیشن ارسلان چغتائی، صدر فیصل مسعود دے رابطہ سیکریٹری نے وی میڈیا دے انہاں اقدامات تے تشویش دا اظہار کریندے ہووے آکھیا کہ اے افسوس ناک ھِ کہ اپنڑی ثقافت چھوڑ تے غیر ملکی فلماں تے اشتہارات دی پاکستان اچ تشہیر کروں۔ایہو جئے چینلز کوں سختی نال پابند کیتا ونجے تے کارروائی عمل اچ گھن تے آئے ونجے۔