خام تیل دی قیمت اچ کمی لیکن پاکستان دی عوام ثمرات توں محروم
حکومت دی طرفوں پیٹرولیم مصنوعات تِ بھاری ٹیکس
کراچی(سرائیکی نیوز) گزشتہ مالی سال دے دوران عالمی منڈی اچ پیٹرولیم مصنوعات دی قیمتاں اچ ریکارڈ کمی آئی ھِ حتی کہ فروری ٢٠١٦ اچ خام تیل دی قیمت ١٣ سال دی گھٹ ترین شرح ٢٥ ڈالر فی بیرل تک پھج گئی ھائی گو کہ بعد از ایندے اچ تھوڑا اضافہ تھئے تاہم رواں مالی سال دے ڈوجہے مہینے عالمی سطح تِ خام تیل دی قیمتاں اچ اتار چڑھاو دا سلسلہ جاری رہیے ایں صورتحال توں جیتھاں تیل برآمد کرن والے ممالک کوں شدید معاشی مشکلات دا سامنڑاں ھِ اتھاں ڈوجہی طرف پیٹرولیم مصنوعات برآمد کرن والے ملکاں کوں خاطر خواہ فائدہ حاصل تھیندے پیا ھِ تاہم پاکستان اچ عام تک ایندے ثمران ھن تک نی پھجدے پئے جیندی ھک وجہہ حکومت دی طرفوں پیٹرولیم مصنوعات تِ وافر مقدار اچ ٹیکس لا ڈیتے گئے ھن۔
