پاکستان اتے پرتگال وچال ݙو پاسہ سیاسی مشاورت دا تریجھا دور، ݙو پاسہ تجارت، سرمایہ کاری، زراعت، آبی انتظام، آئی سی ٹی، بلیو اکانومی، گرین ٹیکنالوجیز اتے روزگار دے موقع ودھاوݨ تے اتفاق
اسلام آباد (اے پی پی) پاکستان اتے پرتگال وچال ݙو پاسہ سیاسی مشاورت دا تریجھا دور، ݙو پاسہ تجارت، سرمایہ کاری، زراعت، آبی انتظام، آئی سی ٹی، بلیو اکانومی، گرین ٹیکنالوجیز اتے روزگار دے موقع ودھاوݨ تے اتفاق کیتا ڳیا۔ ترجمان دفتر خارجہ ولوں چھݨ چھݨ کوں جاری پریس ریلیز موجب پاکستان اتے پرتگال وچال مشاورت دا ݙو پاسہ دا تریجھا دور 13 اپریل 2023 کوں لزبن اچ تھیا۔ پاکستانی وفد دی قیادت ایڈیشنل سیکرٹری خارجہ (یورپ)سفیر محمد سلیم کیتی اتے پرتگالی وفد دی قیادت ڈائریکٹر جنرل فارن پالیسی وزارت خارجہ روئی ونہاس کیتی۔ اسلام آباد اچ تھیوݨ آلے آندے اجلاس اچ آپسی مشورے دے باقاعدہ اجلاس کراوݨ تے اتفاق کیتا ڳیا جئیں کیتے پرگالی وفد آپسی اتفاق دی تاریخاں تے پاکستان دا دورہ کریسی۔
