ھک طاقتور ملک دا ناراض تھئی تے آساکوں آکھیندے کہ روس کیوں گئے؟ وزیر اعظم
وزیر اعظم عمران خان دا آکھݨ ھا کہ ھک طاقتور مک دا ناراض تھئی تے اساں کوں آکھیندے کہ تساں روس کیوں چے گئے ؟ تے غصہ تھئی گئے ، انہاں دا آپنڑاں اتحادی بھارت وی روس ۔ یوکرین جنگ اچ نیوٹرل رھیے تے روس توں تیل وی گھیندے۔
وزیر اعظم نے اسلام آباد اچ ڈو روزہ نیشنل سیکیورٹی ڈائیلاگ توں خطاب کریندے ہووے اکھیا کہ میں اج برطانیہ دی فارن سیکریٹری دا بیان پڑھے کہ اساں بھارت کوں کجھ نی آکھ سکدے کیونکہ او آزاد ملک ھِ تے ایں دی آزاد خارجہ پالیس ھِ تاں اساں کیا ھیسے؟ انہاں آکھیا کہ ایندی سب توں وڈی ذمہ داری اچ کہیں بئے تے نی پاوݨ چاھندا جنہاں لوگاں نے اچکنین سیوا گھین او کل بیان ڈیندے پئے ھن کہ امریکا کوں ناراض نی کرنا چاھیدا ، امریکا دے پاروں اساڈا گزارا نی تھئی سکدا ، انہاں لوگاں دی وجہہ نال اج اساں ایتھاں پھجے ہیں ۔
انہاں دا آکھݨ ھا کہ انہاں لوگاں ملک تے قوم کوں نی اشرفیہ دے مفاد دی خاطر قربان کیتے انہاں آکھیا کہ ملک دی عزت کوں دا تے لا تے ، کڈھیں ایں ملک دی عزت نی تھئی جو اپنڑیں پیرا تے کھڑا نی تھیندا ، کہیں خودار قوم کوں کون دھمکیاں ڈے سکدا ھِ
وزیر اعظم آکھیا کہ جئیں ملک دی آزاد خارجہ پالیسی نہ ہووے او کڈھیں اپنڑیں لوگاں دی حفاظت نی کر سکدا تے نہ ہی دنیا اچ ایں ملک دی عزت تھیندی ھِ ، اساں اپنریں ساڈھے تریھ سالہ دور حکومت اچ پوری کوشش کیتی ھِ کہ ملک دی آزاد خارجہ پالیسی ہووے ، کہیں بلاک دا حصہ بنڑݨ توں اساں وی دور رہے۔
انہاںآکھیا کہ ایں ملک دے اپنڑیں اخباراں اچ اے خبر آ ونجے تاں انہاں دی انتظامیہ کوں اپنڑیں اخباراں توں خوف آ ویندے کہ ایویں کہیں ملک دے معاملات اچ مداخلت نی کریندا ، اے اساڈی خلطی ھِ کہ اساں انہاں کوں اے تاثر ڈیتا کہ اساں تساڈے بغیر نی رہ سکدے۔
وزیر اعظم عمران خان دا آکھݨ ھا کہ اساں سعودی عرب ، ایران تے ترکی کوں اکٹھا کرݨ دی کوشش کیتی ، افغانستان اچ اساڈا بہووں وڈا کردار ھِ تے اساں امن عمل کوں اگئی تے ودھاوݨ دی کوشش کیتی۔ انہاں آکھیا کہ اساڈے روس ونجݨ تے اساڈے پرانڑیں دوستاں نے وڈا غصہ کیتا ھِ کہ تساں روس کیوں چلے گئے میں تساں کوں ڈساواں کہ اساڈے نیوٹرل تھیوݨ دے پاروں یورپی یونین کونسل دے صدر میکوں فون کیتے کہ اساں تے چین مل تے روس ، یوکرین تنازعے دے حل دی کوشش کروں۔
انہاں آکھیا کہ یوکرین دے صدر ولادیمیر زیلنسکی میکوں کال کیتی ، انہاں وی میکوں آکھیا کہ اساں چین دے نال مل تے روس ، یوکرین تنازعے دے حل دی کوشش کروں ، شاہ محمود قریشی کل چین اچ ھن انہاں اوتھاں چینی تے روسی وزیر خارجہ نال علیحدہ علیحدہ گالھ مہاڑ کیتی کہ اساں کیں طرح ایں امن عمل دا حصہ بنڑوں لیکن اے اوں ویلے ممکن تھئی سکدے جئیں ویلے تساں نیوٹرل ہوو، تے کہیں بلاک دا حصہ نہ بنڑوں ۔ انہاں آکھیا کہ آزاد خارجہ پالیسی ہووے تاں چلینجز ضرور آندن لیکن عزت وی ملدی ھِ میں بھارت کوں داد ڈیندا کہ انہاں اپنڑیں عوام دے مفاد اچ ہمیشہ آزاد خارجہ پالیسی رکھی ھِ تے او اپنڑیں خارجہ پالیسی دا بہوں تحفظ وی کریندے ھن
انہاں آکھیا کہ خارجہ پالیسی دے کئیں رخ ہوندن سبھ توں اہم شہہ اے ہوندی ھِ کہ حکومت عوام دے مفاد دا خیال رکھیندی ھِ انہاں آکھیا کہ لوگاں کوں مدینے دی ریاست دے نظریے دی سمجھ نی آندی پئی ، مدینہ دی ریاست دی گالھ کریندا ھاں تاں لوگ سمجھدن کہ ووٹ گھنݨ پاروں تے سیاست پاروں ریاست مدینہ دا ناں گھینداں۔ انہاں آکھیا کہ ملک اچ سیکورٹی اوں ویلے آندی ھِ جئیں ویلے ہر شہری ذمہ داری گھیندے سیکورٹی فوج نی عوام ڈیندی ھِ
