قومی اسمبلی دا اجلاس، تحریک عدم اعتماد دی ووٹنگ پر امن انداز اچ تھیسی، اٹارنی جنرل
اٹارنی جنرل پاکستان (اے جی پی) خالد جاوید خان دا آکھݨ ھا کہ پارلیمنٹ اچ ٣ اپریل کوں تحریک عدم اعتماد تے ووٹنگ بغیر کہیں رکاوٹ دے قانونی تقاضیاں دے مطاب پر امن طریقے نال تھیسی۔
وزیر اعظم خان نال ملاقات دے فوری بعد اخبار نال گالھ مہاڑ کریندے ہووے اٹارنی جنرل نے ڈسایا کہ وزیر اعظم دے خلاف تحریک عدم اعتماد تے ووٹنگ دے انعقاد دے طریقہ کار تے سکتی نال عمل کیتا ویسی۔ اخباری رپورٹ دے مطابق خالد جاوید خان دی طرفوں اے یقین دھانی حکمراں جماعت دے کجھ رہنماوواں دے بیانات دے بعد سامنڑیں آئی ھِ کہ اتوار کوں اراکین اسمبلی دی طرفوں تحریک عدم اعتماد تے ووٹنگ دے ویلے پارلیمنٹ ھاوس دے باہر ھک لکھ بندے موجود ہوسن۔
انہاں دا آکھݨ ھا کہ سپریم کورٹ بار ایسوسی ایشن دی درخواست تے سماعت دے دوراں حکومت دی طرفوں سپریم کورٹ کوں پہلے یقین دھانی کرائی ھِ تے ایں تے سختی نال عمل کیتا ویسی ۔
انہاں آکھیا کہ وزیر اعظم دی خلاف تحریک عدم اعتماد تے ووٹنگ دے طریقہ کار تے ایندی روح دے مطابق عمل کیتا ویسی ، ٢١ مارچ دی سماعت دے دوران اٹارنی جنرل پاکستان نے سپریم کورٹ کوں یقین ڈیووایا ھا کہ کہیں وی رکن اسمبلی کوں ووٹنگ دے ڈینھ قومی اسمبلی اچ داخل تھیوݨ توں کہیں وی ترقی نال نی روکا ونج سکدا۔ انہاں آکھیا کہ میں وزیر اعطم دے نال گالھ مہاڑ کیتی ھِ تے پی ٹی آئی دے کارکنا ںدی طرفوں ١٩ مارچ کوں سندھ ھاوس دی خلاف ورزی تے سپریم کورٹ دی ناراضگی توں وہ آگاہ کیتا جئیں تے وزیر اعظم تسلیم کیتا کہ ہجوم دی حکمرانی کیتے کوئی گنجائش نی ہوونڑی چاھیدی۔
تاہم سماعت دے دوران جسٹس منیب اختر نے ریمارکس ڈیتے ھن کہ یقین دھانی سیشن دے صرف پہلے ڈینھ کیتے نی بلکہ سیشن دے ہر ڈینھ کیتے ہوونڑیں چاھیدی ھِ سیاسی تناو ایں مہینے دے شروع اچ ایں ولے عروج تے پھج گئیا جئیں ویلے حکمراں پی ٹی آئی تے ھک کثیر الجماعتی اتحاد پاکستان ڈیموکریٹک موومنٹ پی ڈی ایم دونہاں نے ڈی چوک تے عوامی جلسیاں دا اعلان کر ڈیتا ھا ، جئیں پاروں حکمراں دی طرفوں علاقے اچ حساس ریاستی تنصیبات دی حفاظت دے بارے خدشات دا اظہار کرݨ دے بعد ڈونہیں فریقاں نے جاواں کوں ڈوجہی جگہواں تے منتقل کر ڈیتا۔ بعد از وزیر اعظم نے ٢٧ مارچ اتوار کوں ھک عوامی ریلی دے دوران ھک دھمکی آمیز خط شیئر کریندے ہووے دعوی کیتا ھا کہ اے انہاں دی حکومت کوں اوتے گھن آوں کیتے غیر ملکی سازش دا ثبوت ھِ
