سکیورٹی فورسز اتے دہشتگرداں اچ جھڑپ، 2 جوان شہید اتے ݙو دہشتگرد وی ماریے ڳن
راولپنڈی (اے پی پی)شمالی وزیرستان دے علاقے سپن وام اچ سکیورٹی فورسز اتے دہشتگرداں وچال جھڑپ اچ پاک فوج دے 2 جوان شہید تھی ڳن اتے ݙو دہشتگرد وی ماریے ڳن۔ آئی ایس پی آر آکھیے جو سپن وام اچ دہشت گرداں دی فائرنگ نال سپاہی عمران اللہ اتے سپاہی افضل خان شہید تھین۔ سکیورٹی فورسز دہشتگرداں کوں موثر ولدا ݙتے اتے دہشتگرداں دی کمیں ڳاہ ڳول تے بھاری اسلحہ اتے گولہ بارود برآمد کیتے۔ اے دہشتگرد سکیورٹی فورسز اتے معصوم شہریاں دے قتل اچ ملوث ہن۔ آئی ایس پی آر آکھیے جو پاک فوج دہشت گردی دی لعنت مکاوݨ کیتے پرعزم اے، بہادر جواناں دی اینڄھیاں قربانیاں ساݙا عزم ٻیا تکڑا کریندن۔
