جماعت الدعوۃ دے خلاف کارروائیاں امریکا تے ھندوستان دے دباو تے جاری ھن، حافظ محمد سعید
جماعت الدعوۃ دے خلاف کارروائیاں امریکا تے ھندوستان دے دباو تے جاری ھن، حافظ محمد سعید
لاہور(سرائیکی نیوز) جماعت الدعوۃ پاکستان دے سربراہ حافظ سعید نے آکھئے کہ انہاں دی جماعت دے خلاف حالیہ کارروائیاں امریکہ تے انڈیا دے دباو تے کیتیاں ویندیاں پئن وزیر دفاع انڈیا دی زبان بولیندے پئن، حکومت دی طرفوں جماعت الدعوۃ کوں دہشت گرد قرار ڈیون تے کوئی نوٹس موصول نی تھئیا تے نا ھی ایندی کوئی بنیاد ھِ ہمیشہ عدالتاں توں سرخرو تھئے تے نکلے ھیں کجھ سیاسی لوگ انہاں دے خلاف مہم چلیندے پئن تے کہیں بئے دے ایجنڈے تے کم کریندے پئے ھن۔
تفصیل دے مطابق برطانوی خبررساں ادارے نال گالھ مہاڑ کریندے ہووے حافظ محمد سعید نے آکھئے کہ انہاں دی جماعت یا انہاں دا اپنڑاں حقانی نیٹ ورک دے نال کوئی تعلق کینی تے نا ھی کوئی رابطے ھن جبکہ جماعت الدعوۃ دا افغانستان دے حالات نال کوئی تعلق کینی البتہ اے ضرور آکھیندے رہے ھن کہ امریکہ کوں افغانستان توں نکل ونجڑاں چاھیدا ھِ
انہاں نے آکھیا کہ اساڈی جماعت کوں حقانی نیٹ ورک نال جوڑرن دی وجہہ اے ھ ِ کہ امریکہ کوں حقانی نیٹ ورک نال مسئلہ ھِ تے انڈیا کوں جماعت الدعوۃ دے نال تے اے ڈونہیں ملک جئیں ویلے آپس اچ ملدن تاں اے انہاں ڈونہاں کوں گڈ مڈ کر ڈیندے ھن حافظ سعید دا جماعت الدعوۃ کوں دہشت گرد تنظیم قرار ڈیتدے ونجن دے سوال تے آکھن ھا کہ انہاں دے کول نا تاں کوئی ایہو جیاء نوٹس آئے تے نا ہی ایندی کوئی بنیاد ھِ اے امریکی دباو ھِ تے نال ھی اے ساریاں گالھیں انڈیا دی طرفوں کیتیاں ویندیاں پئن تے وزیر دفاع وی انہاں دی زبان بولیندے پئن انہاں نے آکھیے کہ ایں دور اچ جنگیں مسائل دا حل کینی تے انڈیا تے پاکستان دے درمیان تعلق کوں ٹھیک کیتا ونجے لیکن بنیادی مسئلہ کشمیر حل تھیونڑاں چاھیدا ھِ انہاں دی ایہو گالھ برداشت نی کیتی ویندے پئی
