کلبھوشن معصوم پاکستانیاں دا قاتل ھِ خواجہ آصف دا بھارت کوں جواب

اسلام آباد(سرائیکی نیوز) خواجہ آصف نے کلبھوشن ملاقات تے بھارتی الزامات تے اعتراضات مسترد کریندے ہووے آکھئے کہ کلبھوشن یادیو معصوم پاکستانیاں دا قاتل ھِ وزیر خارجہ خواجہ آصف نے کلبھوشن یادیو دی اہلیہ تے والدہ دی ملاقات دے بیان ڈینوے ہووے آکھیا کہ اہل خانہ نال کلبھوشن دی ملاقات کوئی عام ملاقات نا ھائی کلبھوشن دی اہلیہ تے والدہ نال ملاقات انسانی ہمدردی دی بنیاد تے کرائی گئی ، کلبھوشن یادیو معصوم پاکستانیاں دا قاتل ھِ

انہاں آکھیا کہ ملاقات اسلامی تعلیمات تے رحم دلی دی روایات دے مطابق کرائی گئی بھارت کوں پاکستان دے جذبہ خیر سگالی کوں کھلے دل نال تسلیم کرنا چاھیدے ، تریھ منٹ تک طے ملاقات کوں انہاں دی درخواست تے 40 منٹ ودھا ڈیتا گئیا کامیاب ملاقات دا اندازہ کلبھوشن دی والدہ تے ایندی اہلیہ دے شکریا نال لایا ونج سکدے، وزیر خارجہ نے آکھیا کہ کلبھوشن دی اہلیہ دیاں جوتیاں تے زیورات لاھا گھن کپڑے تبدیل کرواون تے بھارتی اعتراضات مسترد کریندے آکھیا کہ کلبھوشن حاضر سروس نیول افسر تے سزا یافتہ بھارتی دہشت گرد تے جاسوسن ھن انہاں تے معصوم پاکستانیاں دا قتل ھِ وزیر خارجہ نے ڈسایا کہ ملاقات دے واسطے جامع سیکیورٹی انتظامات لازم ھن جئیں وجہہ توں ڈو طرفہ اتفاق ھا کلبھوشن دی اہلیہ تے والدہ دے نال عزت و احترام نال پیش آئے ملاقات دے بعد معزز مہماناں کوں انہاں دے کپڑے واپسی کر ڈیتے۔

انہاں نے آکھیا کہ جوتیاں کوں سیکورٹی کلیئرنس نا ہون تے چیکنگ کیتے رکھ گھیدا گئیا ، ڈونہاں جوتیاں توں ھک دھاتی چپ برآمد تھئی ھِ متعلقہ ادارے برآمد شدہ دھاتی چپ دا بغور جائزہ گھیندے پئن

خواجہ آصف مزید آکھیا کہ بھارتی میڈیا دے معاملے تے سیاست کھیڈن دا عمل قابل افسوس ھِ اساں کوں ایں اہم ترین موقع تے الزام تراشیاں توں گریز کرنا چاھیدا ھِ