امریکی سفارتخانے دی یروشلم منتقلی فوری ممکن کینی
پیرس (سرائیکی نیوز) امریکی وزیر خارجہ ریکس ٹلرسن نے آکھئے کہ اسرائیل اچ امریکی سفارتخانے کوں فوری طور تے یروشلم منتقل کرن ممکن کینی
جرمن خبر رساں ادارے دے مطابق انہاں نے آکھا کہ تل ابیب توں امریکی سفارتخانے دی منتقلی واسطے کئی سال درکار ھن اے گالھ امریکی وزیر خارجہ نے فرانسیسی دارالحکومت پیرس اچ اپنڑیں فرانسیسی ہم منصب ڑان ایو لیدریاں دے نال ملاقات دے بعد ھک مشترک کانفرنس اچ ھک سوال دے جواب اچ آکھی، ٹلرسن دے مطابق رواں یا اگلے برس دے دوراں اے اے ممکن نی تھئی سکدا۔
