یوکرین دی لرائی بند کرݨ تک جنگ ختم نہ تھیسی ، روسی صدر
روسی صدر ولادیمیرپیوٹن دا آکھݨ ھِ کہ یوکرین اچ انہاں دی مہم منصوبے دے مطابق چلدی پئے ھِ تے اے ایں ویلے تک ختم نہ تھیسی جئیں ویلے تک کیف لڑائی بند نی کریندا، شدید بمباری والے شہر ماریوپول کوں خالی کرݨ دی کوششاں مسلسل ڈوجہے ڈینھ وی ناکام
اخبار اچ شائع تھیوݨ والی خبر دے مطابق غیر ملکی خبر رساں ایجنسی دی رپورٹ دے مطابق روسی صدر نے ایں گالھ کوں ترک ہم منصب رجب طیب اردوان دے نال ٹیلی فون تے گالھ مہاڑ دے دوران کیتا۔
ترک صدر نے ایں تنازعے اچ جنگ بندی دی اپیل کیتی ھائی جئیں توں متعلق اقوام متحدہ دا آکھݨ ھا کہ ایں جنگ نال ڈوجہی جنگ عظیم دے بعد یوریپ اچ مہاجرین دا سب توں تیز ترین بحران پیدا تھئیا ھِ روسی میڈیا نے آکھیا کہ ولادیمیرپیوٹن نے فرانسیسی سدر ایمانوئیل میکرون دے نال وی تقریبان ڈو گھنتے گالھ کیتی ، جو انہاں دے نال مسلسل رابطے اچ ھن ، لیکن دیگر عالمی کوششاں دی طرح او ھݨ تک روس کوں ١١ روز توں جاری جنگ ختم کرݨ دے نی منا سکے۔
ماریوپول اچ حکام دا آکھݨ ھا کہ یوکرین دے ساحلی شہر نے گزشتہ کئی ڈینھ توں گولہ باری دا سامنڑاں کیتا جئیں نے لوگاں کوں سرد موسم اچ ھیٹنگ سسٹم ، بجلی تے پانریں دے بغیر گھراں اچ قید رکھا ھِ انہاں ٤ لکھ رھائشیاں توں کجھ کوں تاں کدھݨ دی کوشش کریسوں
بیان اچ اے وی آکھیا گئیا ھِ کہ ولادیمیرپیوٹن نے رجب طیب اردوان کوں ڈسایا کہ او یوکرین تے غیر ملکی شراکت داراں دے نال مذاکرات کیتے تیار ھن لیکن مذاکرات توں متعلق کیتی گئی کوئی وی منفی کوشش ناکام رھاسی۔
ترقی نال گالھ مہاڑ توں متعلق بیان اچ آکھݨ ھا کہ طیب اردوان نے انسانی بحران دے خدشات کو گھٹ کرݨ پار جنگ بندی تے زور ڈیتا ھِ
