سندھ حکومت صاف پانڑیں دی فراہمی اچ ناکام

کراچی(سرائیکی نیوز) چیف جسٹس آف پاکستان میاں ثاقب نثار نے ریمارکس ڈیندے ہووے آکھے کہ صاف پانڑیں دی فراہمی حکومت دی بنیادی ذمہ داری ھِ انسانہ فضہ دانستہ طور تے پیوݨ دے پانڑیں اچ شامل کیتا ویندا پئے، حکومت عوام کوں صاف پانڑیں مہیا کرݨ اچ ناکام رہی ھِ سپریم کورٹ کراچی رجسٹری اچ صاف پانڑی تے نکاس توں متعلق درخواست دی سماعت جاری ھِ سابق سٹی ناظم کراچی مصطفی کمال تے وزیر اعلی سندھ مراد علی شاہ وی کمرہ عدالت اچ موجود ھن۔ درخواست گزار اوستو ویڈیو ڈیکھن کیتے کمرہ عدالت اچ پراجیکٹر وی لایا گئیا، واٹر کمیشن دی ویڈیو اچ ٹریٹمنٹ پلانٹس دی تباہی دے منظر ڈیکھائے گئن ایں موقع تے حکام دا آکھن ھا کہ واٹر کمیشن دی ویڈیو اسپیکر سندھ اسمبلی کوں وی بھجوائی گئی ھِ تاہم عدالتی حکم دے باوجود ویڈیو سندھ سمبلی اچ نی ڈیکھائی  گئی۔ ویڈیو ختم تھیون دے بعد وزیر اعلی سندھ کوں روسٹرم تے طلب کیتا گئیا ایں موقع تے چیف جسٹس آف پاکستان نے ریمارکس ڈیندے ہووے آکھے کہ خواہش ھائی کہ بلاول بھٹو وی ایتھاں موجود ہوندے تے صورتحال ڈیکھدے، بلاول بھٹو کوں معلوم ہوندا کہ لاڑکانہ دی کیا صورتحال ھِ اس موقع پر جستس فیصل عرب نے ریمارکس دیئے کہ آپ کو لوگوں نے مسائل کے حل کیلئے منتخب کیا، انتظامیہ کی ناکامی کے بعد لوگ عدالتوں کا رخ کرتے ہیں۔ ایں موقع تے چیف جسٹس نے وزیر اعلی سندھ کوں مخاطب کریندے ہووے آکھے کہ شاہ صاحب انہاں گالہیں کوں چھوڑ تے اے ڈساون کہ مسائل کڈھن تک حل تھیسن اساں ایتھاں مسائل حل کیتے آئے ھیں ایں بارے وزیر اعلی سندھ نے عجیب منطق پیش کریندے ہووئے آکھا کہ جو ویڈیو ڈیکھائی گئی ھِ او درخواست گزار دی بنڑائی ہوئی ھِ صورتحال اتنی سنگین کینی موقع ملا تاں بہوں جلد سپریم کورٹ اچ ویڈیو پیش کریساں، جیندے تے چیف جسٹس نے وزیر اعلی دی سرزنش کریندے ہووے آکھئے کہ شاہ صاحب ایں ویڈیو کو چھوڑو کمیشن دی رپورٹ ہی ڈیکھ گھینو ، کمیشن دی رپورٹ دی سنگینی دا جائزہ گھینو، رپورٹ توں مسائل دا حل تلاش کرو، کمیشن دی رپورٹ مسئلے دے حل تک پہنجن دا ذریعے ھِ جو نشاندہی کیتی گئی ایں توں مدد گھینو۔ ایں موقع تے بلاول بھٹو دا ذکر وی عدالتی کارروائی دا حصہ بنڑاں رہے چیف جسٹس دا آکھن ھا کہ تساڈے چیئرمین بلاول بھٹو میڈے بالاں دی طرح ھن بلاول ڈیکھن کہ لوگ کیجھا پانڑیں پیندے پئے ھن کیا تساں ڈسیسو کہ بلال بھٹو کیھڑا پانڑیں پیندے ھن؟ ایں توں قبل سپریم کورٹ کراچی رجسٹری اچ 4 دسمبر کوں کیس دی سماعت دے دوران چیف جسٹس پاکستان جسٹس ثاقب نثار نے ریمارکس ڈیتے ھن کہ جو عوام دے کول ونج کہ آکھیندے ھن کہ اساں اے کر ڈیسوں تے او کر ڈیسن اے لوگ صرف دعوے کریندے ھن تے عوام کوں پیون دا صاف پانڑیں نی ڈے سکدے۔ چیف جسٹس دا آکھن ہا کہ ایں معاملے تے اعلی توں اعلی افسر کو سڈھنڑاں پیا تاں سڈھیسوں، حکومت ذمہ داری اچ ناکام ہوندی ھِ  تاں عدلیہ کوں مداخلت کرنی ہوسی۔