١٧ گھنٹے تک لانڈھی فیکٹری اچ لگن والی بھا نا وسم سکی
فائر ٹینڈرز بے حال، اتنی وڈی فیکٹری اچ بھا وسماوں واسطے صرف ھک اسنارکل موجود، فیکٹری مالکان دا آکھن ھِ کہ بھا مسماون واسلی عملہ دیر نال پھجے
کراچی(سرائیکی نیوز۔ محمد رمضان ) لانڈھی فیکٹری اچ ١٧ گھنٹے توں لگن والی بھا ھن تک نی وسمائی ونج سکی بھا کوں وسماون واسطے فائرٹینڈرز وی بے حال تھئی چکے ھن کہیں دا پائپ پھٹ چکے تِ کہیں کول پانڑی ختم تھئی چکی اتنی وڈی فیکٹری اچ بھا وسماون واسطے صرف ھک اسنار کل موجود ھِ کراچی انڈسٹریل ایریا اچ گارمنٹس فیکٹری اچ لگن والی بھا تِ ڈھیر گھنٹیاں بعد قابو نا پایا ونجن سکا نمائندہ سرائیکی نیوز محمد رمضان دے مطابق شہر بھر دے فائر فائٹر ٹینڈز وی ایں خوفناک بھا کوں وسماون دے واسطے بے وس نظر آئے فیکٹری دی عمارت دا کجھ حصہ وی ڈھاون لگ گئی ھِ کروڑاں روپیاں دا مال سڑھ گئے بھا نال فیکٹری دے ڈوجہے حصے اچ موجود بوائلرز دے پھٹن دا خطرہ پیدا تھئی گئے۔ لانڈھی ٹیکسٹال دی فیکٹری اچ لگن والی بھا کوں ترھیجے درجے دی بھا قرار ڈے ڈیتا گئیا ھا ، فیکٹری دے مالکان دا آکھن ھِ فائربریگیڈز دے عہیدار دیر نال پھجن، کپڑی دی فیکٹری ڈھا سال توں پہلے قائم کیتی گئی ھائی ۔ بھا کیویں لگی اے تاحال نی پتہ لگ سکا ، بھا نال کوئی جانی نقصان نی تھیا لیکن مالی نقصان دا اندازہ کروڑاں روپے اچ لایا ونج سکدے۔
