کراچی(سرائیکی نیوز) کراچی ءچ ھیٹ ویو دے اثرات محسوس تھیوݨ لگ گئے ، جبکہ شہار توں متصل سمندر ءچ طوفان دا خطرہ ظاھر کیتا ویندا پیا ھِ سمندری طوفان دے پیش نظر کراچی فش ھاربر تے ابراھیم حیدری توں لانچاں دی پورٹ کلیئرنگ تے روانگی روک ݙیتی گئی ݙوجہے پاسے محکمہ موسمیات دا آکھݨ ھِ کہ کراچی ءچ سمندری ہوواں رک گئیاں ھن جیندی وجہہ توں شہر ءچ ھیٹ ویو دے اثرات محسوس تھیوݨ لگ گئے ھن
محکمہ موسمیات دا مزید آکھݨ ھِ کہ شہر قائد گرم تے خشک میدانی ہوواں دی لپیٹ ءچ ھِ شمال مغرب توں ہوواں ١٣ کلو میٹر فی گھنٹی دی رفتار نال چلدیاں پئن، انہاں ڈسایا کہ ھیٹ ویو دی وجہہ نال درجہ حرارت ٣٨ ڈگری سینٹی تک پھج گئیا ھِ اج پارہ ٤١ ڈگری سینٹی گریڈ تک ونج سکدا ھِ اتھا سندھ حکومت نے شہار ١١٥ جگہاواں تے ھیٹ اسٹروک سینٹر قائم کر ݙیتے ھن ، کئی جگہوں تے پانڑیں دیاں سبیلاں تے موبائل ٹیماں موجود ھن ۔ بلدیہ عظمی کراچی دے تحت ١٣ ھسپتالاں ءچ ھیٹ ویو الرٹ جاری کر تے اسٹاف دی چھٹیاں منسوخ کر ݙیتی گئی ھِ
