چیئرمین سینیٹ دا نامور صحافی، معروف تجزیہ نگار، کالم نویس اتے ایڈیٹر نذیر ناجی دے انتقال تے اظہار تعزیت
اسلام آباد۔22فروری (اے پی پی):چیئرمین سینیٹ محمد صادق سنجرانی نامور صحافی، معروف تجزیہ نگار، کالم نویس اتے ایڈیٹر نذیر ناجی دے انتقال تے ݙکھ تے افسوس کیتے ۔ چیئرمین سینیٹ دعا کیتی جو اللہ تعالیٰ مرحوم دی مغفرت اتے درجات اچے کرے تے لواحقین کوں اے ݙکھ صبر اتے حوصلے نال برداشت کرݨ دی توفیق عطا فرماوے۔ چیرمین سینیٹ محمد صادق سنجرانی آکھیے نذیر ناجی منجھے ہوئے صحافی اتےتجزیہ نگار ہن ۔ مرحوم نذیر ناجی کالم نگاری اچ وکھرا مقام رکھیندے ہن انہاں دے انتقال توں پیدا تھیوݨ آلا خلاء دیر تئیں پر نہ تھی سڳسی ۔ شعبہ صحافت اچ انھاں دی خدمات ہمیشہ یادرکھیاں ویسن ۔ ۔ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم وی نامور صحافی، معروف تجزیہ نگار، کالم نویس اتے ایڈیٹر نذیر ناجی دے انتقال تے ݙکھ تے افسوس کیتے ۔
