عوام اچ تحقیق دے رجحان کوں ودھارا ݙیوݨا ہوسی ، مرتضیٰ سولنگی
اسلام آباد۔22فروری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو عوام اچ تحقیق دے رجحان کوں ودھارا ݙیوݨا ہوسی ، ڈیجیٹل میڈیا دے دور اچ نینگراں اچ علم دے ودھارے سانڳے ڈائریکٹوریٹ آف الیکٹرانک میڈیا اینڈ پبلی کیشن ڈسپلے سینٹر بݨا تے بہترین کاوش کیتی اے ۔ اے ڳالھ انہاں پاک چائنا فرینڈ شپ سینٹر اچ ڈائریکٹوریٹ آف الیکٹرانک میڈیا اینڈ پبلی کیشن (DEMP) دی طرفوں بݨائے ڳئے پہلے ڈسپلے سینٹر دی افتتاحی تقریب توں خطاب کریندے ہوئیں آکھی اے ۔ وفاقی وزیر اطلاعات آکھیے جو ڈائریکٹوریٹ آف الیکٹرانک میڈیا اینڈ پبلی کیشن 2012ءاچ ݙو اداریں دے انضمام نال بݨیا ، ڈائریکٹوریٹ آف فلم پبلی کیشن پاکستان بݨݨ توں پہلے موجود ہئی ۔ انہاں آکھیے ڈائریکٹوریٹ آف الیکٹرانک میڈیا اینڈ پبلی کیشن ٻہوں نایاب قسم دی کتاباں تے تصویراں چھپیندا پئے ۔ ایں ادارے دی پبلی کیشنز قائداعظم دے مزار، شکر پڑیاں، لوک ورثہ اتے عام مارکیٹ اچ وی دستیاب ہن۔ انہاں آکھیے DEMP دے ڈسپلے سینٹر ٻیاں جہیں تے وی بݨائے ویسن ۔ وفاقی وزیر آکھیے ھھک ایجھے ویلھے جݙاں لوکاں اچ پرھݨ لکھݨ تے تحقیق دا رجحان گھٹ تھیندا پئے ، ایں ادارے عوام اچ تحقیق دے رجحان کوں ودھارا ݙتے ، ڈسپلے سینٹر دے قیام سانڳے DEMP دی پوری ٹیم ٻہوں محنت کیتی تے گھٹ ویلھے اچ ڈسپلے سینٹر دے قیام کوں ممکن بݨائے جیں تے ایندا شکریہ ادا کریندوں ۔ انہاں آکھیے ڈسپلے سینٹر اچ رکھیاں ونجݨ آلیاں کتاباں تے پبلی کیشنز اعلیٰ معیار دیاں ہن ۔ انہاں آکھیے ڈیجیٹل میڈیا دے دور اچ نینگراں اچ علم دا ودھارا ناگزیراے۔
