کراچی(سرائیکی نیوز) سندھ حکومت نے غیر قانونی طور تے لاکھڑا کوئلہ دی کان توں ھزاراں ٹن کوئلہ کھڈ تے فروخت کر ݙیتا ، سرکاری ترجمان الزام منݨ توں انکاری، مقامی اخبار دے مطابق کان دے ورکراں دی یونین دے رھنما ممتاز کھوسو نے ڈسایا کہ ٢١ مئی دی رات پولیس دی بھاری نفری تے مقامی انتظامیہ نے کان تے قبضہ کر گھیدا، ایں توں پہل کان لاکھڑا ڈویلپمنٹ کہپنی چلیندی پئی ھائی جو وفاقی وزارت پیٹرولیم دے تحت کم کریندی ھائی ، رپورٹ دے مطابق سندھ حکومت نے بغیر بولی لاکھڑا کان توں کئی ٹن کوئلہ گھڈ تے غیر قانونی طور تے مارکیٹ ءچ فروخت کر ݙیتا ، ممتاز کھوسو دے طمابق صوبائی حکومت نے اساݙی لیز منسوخ کر ݙیتی جیندء خلاف کھوسو نے درجناں ساتھیاں دے نال مل تے نیشنل ھائی وے تے احتجاج وی کیتا، کول کمپنی ذرائع دے مطابق ٢٠ توں ٢٢ ھزار ٹن کوئلہ کان توں کھڈ تے ٦ ھزار ٥٧٥ روپے فی ٹن دے حساب نال کوئلہ مارکیٹ ءچ فروخت کیتا گئیا ، ھک سینئر آفیسر دے مطابق صوبائی حکومت نے بولی دے اصول تے وی نی چلے، انہاں ڈسایا کہ سندھ حکومت ضلعی انتظامیہ دے ذریعے کوئلہ مارکیٹ ءچ فروخت کیتا، سندھ دے وزیر توانائی امتیاز شیخ نے دسایا کہ لاکھڑا ڈویلپمنٹ کمپنی کان دے وسائل دا غلط استعمال کریندے ہووے مارکیٹ ءچ فروخت کریندی پئی ھائی ، سندھ حکومت کوں ایں زمین دی لیز دی مدت نا ودھاوݨ دا اختیار ھِ
