مفادات دے ٹکرائو دی صورت منصف کوں انصاف دی کرسی تے نی ٻہوݨا چاہیدا، وزیردفاع خواجہ محمد آصف دی قومی اسمبلی اچ ڳالھ مہاڑ
اسلام آباد۔30مئی (اے پی پی) وزیردفاع خواجہ محمد آصف آکھیا جو مفادات دے ٹکرائو دی صورت منصف کوں انصاف دی کرسی تے نی ٻہوݨا چاہیدا۔ اساں چاہندوں جو پارلیمان اتے سپریم کورٹ وچال اختلافات نہ تھیون، آئین دے تحت کوئی ادارہ کہیں ݙوجھے ادارے کوں ڈکٹیٹ نی کر سڳدا، پارلیمان دے معاملیاں اچ مداخلت تھیوے تاں ایں پارلیمان کوں وی اپݨا کردار ادا کرݨا چاہیدے۔ منگل کوں قومی اسمبلی دے اجلاس اچ ڳالھ مہاڑ کریندیں ہوئیں خواجہ محمد آصف آکھیا جو نوبت ایں تئیں پڄ ڳی اے جو اساں کوئی ایجھا قدم چاؤں جیڑھا قانون دے مطابق ہووے تاں اونکوں مسترد کر ݙتا ویندے۔ انہاں آکھیا جو مفادات دے ٹکرائو دی صورت منصف کوں انصاف دی کرسی تے نی ٻہوݨا چاہیدا۔
