حکومت کلہے کورونا دا مقابلہ نی کر سکدی خیر حضرات تے فلاحی تنظیماں نال رلن، وزیر اعظم
کوئی حکومت کلہے کورونا چیلنج دا مقابلہ نی کر سگدی،حکومت مخیر حضرات دے عطیات تے فلاحی تنظیماں دے تعاون نال عوازم کوں سوکھ ڈیوݨ کیتے پرعزم ہیں، وزیر اعظم عمران خان
اسلام آباد (اے پی پی) وزیرِ اعظم عمران خان آکھیے جو کوئی حکومت کلہیں کرونا جھیں وڈے چیلنج دا مقابلہ نئیں کر سگدی،حکومت مخیر حضرات دے عطیات اتے فلاحی تنظیما دے تعاون نال عوازم کوں سوکھ ڈیونڑ کیتے پرعزم اے۔اے گالھ انہاں سیلانی ویلفیئر ٹرسٹ دے وفدنال ملنر ویلھے آکھیے۔
ملاقات اچ معاون خصوصی برائے تخفیف غربت و سماجی تحفظ ڈاکٹر ثانیہ نشتر اتے فوکل پرسن برائے پناہ گاہ نسیم الرحمان وی موجود ہن۔ وفد کورونا وائرس دی صورتحال اچ وفاقی حکومت خصوصاً وزیرِ اعظم عمران خان ولوں کمزور طبقے کوں سوکھ ڈیونڑ کیتے کوششاں دی تعریف کیتی اتے ویلھے سر فیصلیاں کوں خوش آمدید آکھیا۔
وفد وزیرِ اعظم کوں سیلانی ویلفیئر ٹرسٹ ولوں مستحقین کوں کھانا ڈیونڑ سودھا تعلیم اتے بیاں فلاحی سرگرمیاں بارے ڈسایا۔وزیراعظم سماجی خدمات دی تعریف کریندے آکھیا جو انسانیت دی خدمت دے جذبے نال سرشارلوک اتے فلاحی تنظیماں ساڈے معاشرے دی اصل طاقت اتے ایندا سجاکا چہرہ ہین،کوئی حکومت کلہیں کرونا جھیں وڈے چیلنج دا مقابلہ نئیں کر سگدی،حکومت مخیر حضرات دے عطیات اتے فلاحی تنظیماںا دے تعاون نال عوازم کوں سوکھ ڈیونڑ کیتے پرعزم اے۔ ایں اوکھے ویلھے ہک بئے دا ہتھ ونڈاونڑ دی لوڑھ اے۔
