کراچی(سرائیکی نیوز) صوبہ سرائیکستان دی بنیاد رکھݨ دے بارے کوئی جدوجہد کینی، انہاں خیالات دا اظہار فیصل شہزاد چغتائی چیئرمین اے ایس ڈبلیو او ، چیف ایگزیکٹیو سرائیکی نیوز نے صحافیاں دے نال گالھ مہاڑ کریندے ہووے کیتا، انہاں اکھیا کہ ھک خطہ نصف صدی توں ڈویلپمنٹ دے انتظار ءچ ھِ جو آندے اپنڑے اپنڑے مقاصد پورے کریدنے تے ایں خطے دے مسائل پوری دنیا کوں ݙیکھا تے لُٹ مار کریندے، تے ٹُر ویندے، جمہوریت ن لیگ دی ہووے ، پی پی دی ہووے ، یا موجودہ تحریک انصاف دی سبھ نے صرف ایں خطے دی پاڑ پٹی ھِ ایں خطے تے رھاوݨ والیاں نے اپنڑیاں محبتاں دا ثبوت ݙیتا تے بدلے ءچ جو صوبہ سرائیکستان بنڑاوݨ دا وعدہ کیتا گئیا اُون بارے گالھ کرݨ ءچ ھݨ تک شرم محسوس کیتی ویندی پئی ھِ، انہاں آکھیا کہ جو جو قدم اساݙے ملک دی ترقی واسطے ہوسی اوندے ءچ تعصب لسانیت دے عنصر پیدا نی تھئی سکدے۔ تے جو اج صوبہ سرائیکستان دی مخالفت کریندے پئن او سب ملک پاکستان دی ترقی نال سڑھدن تے ایندی خوشحالی نی ݙیکھݨ چاھندے، موجودہ دور جمہوریت ءچ وزیر اعظم وزیر اعلی تقریبان ٧٠ فیصد کابینہ صوبہ سرائیکی دی حامی ہے لیکن ھن تک اعلان ان کرݨ ھک سوالیہ نشان ھِ ، انہاں اعلی حکام توں اپیل کریندے ہووے آکھیا کہ خدارا ایں خطے دی بدحالی کوں خوشحالی ءچ بدلہ ونجے تے ایتھاں ترقی دی راہ ݙیکھدی زمین کوں اپنڑاں سمجھا ونجے تے اعلان سرائیکستان جلد کیتا ونجے تاکہ جلد زراعت ءچ ترقی حاصل کرسکوں۔
