شہیدبریگیڈیئرمصطفیٰ کمال برکی دی نماز جنازہ ادا، صدر مملکت، وزیراعظم، آرمی چیف، چیئرمین جوائنٹ چیفس آف سٹاف کمیٹی دی شرکت

راولپنڈی (اے پی پی) جنوبی وزیرستان دے علاقے انگور اݙہ اچ دہشتگرداں نال ٻھڑدے شہید تھیوݨ آلے آئی ایس آئی دے بریگیڈیئرمصطفیٰ کمال برکی دی نماز جنازہ ادا کر ݙتی ڳئی اے۔ آئی ایس پی آر آکھیے جو نماز جنازہ ریس کورس راولپنڈی اچ پڑھائی ڳئی اے۔ نماز جنازہ اچ صدر مملکت ڈاکٹر عارف علوی، وزیراعظم شہباز شریف، آرمی چیف جنرل عاصم منیر، چیئرمین جوائنٹ چیفس آف سٹاف کمیٹی جنرل ساحر شمشاد مرز ااتے ڈی جی آئی ایس آئی وی شرکت کیتی۔ شہید کوں پورے فوجی اعزاز نال آرمی قبرستان اچ دفنا ݙتا ڳئے۔ صدر مملکت ڈاکٹر عارف علوی، وزیراعظم شہباز شریف، آرمی چیف جنرل عاصم منیر، چیئرمین جوائنٹ چیفس آف سٹاف کمیٹی جنرل ساحر شمشاد مرزا شہید دے ٹٻر، زال ٻالاں کوں پرچاوݨی ݙتی۔