سندھ ھائی کورٹ ، پیٹرولیم مصنوعات دی قیمتاں ءچ اضافی دیخلاف درخواست تے وزارت پیٹرولیم ، وفاقی حکومت تے دیگر کوں نوٹس
کراچی(سرائیکی نیوز) سندھ ھائی کورٹ نے پیٹرولیم مصنوعات دی قیمتاں ءچ اضافہ دیخلاف درخواست وزارت پیٹرولیم ، وفاقی حکومت تے دیگر کوں نوٹس جاری کر ݙیتے تے فریقین کوں ١٦ مئی تک جواب جمع کرواوݨ دا حکم ݙے ݙیتا۔ تفصیل دے مطابق سندھ ھائی کورٹ ءچ پیٹرولیم مصنوعات دی قیمتاں ءچ اضافہ دیخلاف درخواست سماعت تھئی ، سندھ ھائی کورٹ نے وزارت پیٹرولیم ، وفاقی حکومت تے دیگر کوں نوٹس جاری کر ݙیتے ، عدالت نے فریقین کوں ١٦ مئی کوں جواب جمع کرواوݨ دا حکم ݙے ݙیتا، عدالت نے پیٹرول دی قیمتاں ءچ اضافہ دا طریقہ کار وی طلب کر گھیدا ، جسٹس محمد علی نے اظہار برھمی کریندے ہووئے آکھیا کہ ھک ماہ پہل وی نوٹس جاری کیتا ھا جواب جمع نی کرایا ، عدالت نے ایڈیشنل اٹارنی جنرل کوں حکم ݙیتا کہ آئندہ سماعت تے ہر صورت جواب جمع کروایا ونجے۔
