سلطانز بمقابلہ قلندرز تے کنگز دا مقابلہ زلمی نا تھیسی
کراچی (سرائیکی نیوز) نیشنل اسٹیڈیم کراچی ءچ اج ݙو میچ کھیڈے ویسن پہلا میچ لاہور قلندر تے ملتان سلطانز دے درمیان تھیسی اج دے ݙوجہے میچ ءد کراچی کنگز دا ݙاکرا پشاور زلمی نال تھیسی ، اج دا پہلا میچ لاہور قلندرز تے ملتان سلطان دے درمیان پاکستان ڈوپہار دے ویلے ٢ وجے شروع تھیسی ، لاہور دی ٹیم نے ھن تک ٩ میچ کھیݙ تے تریھ ءچ فتح حاصل کیتی ھِ گزن میچ ءچ اسلام آباد یونائیٹڈ نے لاہور قلندر کوں ٤٩ سکوراں توں ھرایا ھا ، ملتان سلطانز کراچی ءچ این ٹورنامنٹ دا پہلا میچ اج کھیڈسی ناقاص کارکردگی دی وجہہ توں سلطانز پوائنس ٹیبل تے سبھ توں تلے ھِ ملتان دی ٹیم نے ٩ میچ کھیڈ تے ٤ پوائنٹس حاصل کیتے ھن اج ݙوجہا میچ پاکستان دے مطابق شام ٧ وجے گھیڈ ا ویسی، جیندے ءچ کراچی دا مقابلہ پشاور زلمی نا ہوسی ، پشاور زلمہ ھݨ تک پی ایس ایل ءچ ݙوجہے نمبر دی ٹیم ھِ زلمی نے ٩ میچ کھیڈ تے ١٢ پوائنٹس حاصل کیتے ھن پوانٹس ٹیبل تے کنگز دی پوزیشن چوتھی ھِ ، کراچی ٹیم نے ٩ میچ کھیڈ تے ١٠ پوانٹس حاصل کیتے ھن گزرن میچ ءچ کراچی کنگز دا سامنڑاں کوئٹی گلیڈی ایٹرز نال تھیا ھا ، کراچی دی ٹیم نے سنسی خیز مقابلے دے بعد کوئٹہ کوں ھک سکور توں شکست ݙیتی ھائی ، کراچی کنگز نے پہلے بلے بازی کریندے ہووے حریف ٹیم کوں ١٩١ سکور دا ھدف ݙیتا ھا ، گلیݙی ایٹرز مقررہ ٢٠ اوورز ءچ ست وکٹاں دے نقصان تے ١٨٩ رنز ھی بنڑاں سکدے ھن۔
