محکمہ صحت سندھ دے حکام نے کراچی تے حیدر آباد اچ پنجھ سال توں ١١ سال دی عمر دے ٢٣ لکھ ٨٠ ھزار بالاں کوں کورونا ویکسین لاوݨ دی مہم دے آخری ڈینھ ٢٠ لکھ دا ھندسہ مکمل کر گھیدا
اخباری رپورٹ دے مطابق اہم پیش رفت نال صوبائی انتظامیہ دی مطلوبہ نتائج حاصل کرݨ دی امیداں ودھ گئیاں جنہاں نے باقی رہ ونجݨ والے بالاں کیتے مہم کوں ھک ڈینھ کیتے اگئی تے ودھا ڈیتا۔
محکمہ صحت سندھ دے عہدیداراں نے ڈسایا کہ بالاں کیتے ویکسی نیشن مہم ١٩ ستمبر کوں شروع کیتی گئی ھائی تے ٢٤ ستمبر کوں ختم تھیونڑی ھائی تاہم ھݨ انہاں اضلاع اچ اے مہم ھک بئے ڈینھ کیتے ودھا ڈیتی گئی ھِ جیتھاں بال تاحال ویکسی نیشن توں محروم ھن۔
