راجہ پرویز اشرف شاہراہ جمہوریت تے یادگار دستور اتے باغ دستور دا افتتاح کر ݙتے
اسلام آباد۔28فروری (اے پی پی) سپیکر قومی اسمبلی راجہ پرویز اشرف پارلیمنٹ ہاؤس اتے پارلیمنٹ لاجز سامھے شاہراہ جمہوریت تے یادگار دستور اتے باغ دستور دا افتتاح کر ݙتے۔ سپیکر قومی اسمبلی راجہ پرویز اشرف مونومنٹ دا وی افتتاح کیتا۔ بدھ کوں افتتاحی تقریب توں خطاب کریندیں ہوئیں سپیکر راجہ پرویز اشرف آکھیا جو اڄ دا ݙینھ میݙے کیتے اعزاز اے، یادگار دستور سوھݨا کم اے۔ یادگار دستور دی تعمیر دا مقصد عوام کوں آپݨے پارلیمان اتے آئین نال جوڑے رکھݨ اے۔ انہاں آکھیا جو آئین پاکستان اساݙی عظمت اتے توقیر دا نشان اے۔ سپیکر 16ویں قومی اسمبلی دی کامیابی کیتے نیک خواہشات دا اظہار کیتا۔
