بے نظیر بھٹو دے قتل کوں 10 سال گزر گئے، قاتل اج وی آزاد
اسلام آباد (سرائیکی نیوز) بے نظیر بھٹو دے قتل کوں 10 سال گزر گئن لیکن قاتل دا اج تک پتہ نی چلا، خود پیپلز پارٹی اپنڑیں دور حکومت اچ وی کجھ نا کر سکی، جیالے آکھیندے ھن انہاں دے کرداراں کوں وی بے نقاب کیتا ونجے جنہاں نے بی بی رانی دے قتل دی سازش تیار کیتی۔ ستاوی دسمبر 2007 دی خونی شام ھائی جئیں ویلے روالپنڈی دے لیاقت باغ اچ بے نظر بھٹو دا قتل تھیا بعد اچ انسداد دہشت گردی دی خصوصی عدالت اچ نو سال آٹھ مہینے تک مقدمہ چلئے، فیصلہ 31 اگست 2017 کوں سنڑایا گئے پنجھ ملزمان عدم ثبوت تے بری جبکہ قاتل کوئی نا لبھا، بس ڈو پولیس افسران غفلت دے مرتکب قرار پائے ھن۔
ڈی آئی جی سعود عزیز تے ایس پی خرم شہزاع کوں 17 ،17 سال قید تے ڈاھ ڈاھ لکھ روپے دے جرمانے دی سزاواں وی سنڑا ڈیتی گئن چند ڈنہوار بعد ھی لاہور ہائی کورٹ دے روالپنڈی ڈویزن بنچ دا ڈو مجرمان دی اپیلاں تے سزاواں معطل کر تے انہاں کوں رہا کر ڈیتا۔
پیپلز پارٹی دی پنجھ سالہ دور حکومت اچ بی بی دے قتل بے نقاب نا تھئے تے 10 سال بعد جیالے نالاں ھن کہ قاقتل ھن وی آزاد ھن کارکنان دا مطالبہ ھِ کہ بے نظیر بھٹو دے انہاں قاتلاں کوں سامنڑیں گھن تے آیا ونجے چاھے جنہاں نے سازش بنڑائی۔ فیصلے دے خلاف لاہور ہائی کورٹ راوالپنڈی بنچ اچ اپلیلاں دائر کیتیاں گئین پارٹی دے زبانی ہی نہیں قانونی جنگ وی لڑدے پئے ھیں بی بی قتل کیس اچ عدالت نے مرکزی ملزم پرویز مشرف کوں اشتہار قرار ڈے تے دائمی وارنٹ وی جاری کر رکھے ھن۔ بے نظر بھٹو قتل دے فیصلے توں جیالے مطمئن کینی جبکی وکیل پر امید ھن کہ انہاں کوں ھائی کورٹ توں اچھی خبر ملسی۔
