جسٹس شوکت صدیقی ڊا عدلاتی معاملات ءچ خفیہ اداریاں دی مداخلت ڊا الزام

راوالپنڈی (سرائیکی نیوز ) اسلام آباد ہائی کورٹ دے جسٹس شوکت عزیز صدیقی نے الزام عائد کیتا ھِ کہ خفیہ اداریاں دے اہلکاراں نے اساݙے چیف جسٹس تک رسائی حاصل کر تے آکھیا ھِ کہ اساں نواز شریف ت انہاں دی دیھی کوں انتخابات تک باہر نا آوݨ ݙیسوں، راولپنڈی ڈسٹرکٹ بار ایسو سی ایشن نال خطاب کریندے ہووے جسٹس شوکت عزیز صدیقی نے الزام عائد کیتا کہ اج ایں دور ءچ انٹر سروسز انٹیلی جنس (آئی ایس آئی) پوری طرح عدالتی معاملات کو مینی پولیٹ کرݨ ءچ ملوث ھِ جسٹس شوکت عزیز صدیقی دا دعوی ھا کہ خفیہ اداراں دے اہککاراں نے اسلام آباد ہائی کورٹ دے چیف جسٹس محمد انور خان کاسی تک رسائی کر تے آکھیا کہ اساں انتخابات تک نواز شریف تے انہاں دی دیھی کوں مابر نا آوݨ ݙیسوں، شوکت عزیز صدیقی کوں بینچ ءچ شامل نا کرو تے میڈے چیف جسٹس نے آکھیا جئیں بینچ تک تساں کوں اسانی ھِ اساں او بنڑاں ݙیسوں۔ اپنڑیں خطاب دے دوران بغیر کہیں دا ناں گھیدے انہاں الزام لایا کہ میکوں پتہ ھِ سپریم کورٹ ءچ کیندے ذریعے کون پیغام گھن تے ویندا ھِ میکوں علم ھِ کہ اسلام آباد ھائی کورٹ دا انہاں احتساب عدالت تے ایڈمنسٹریٹو کنٹرول کیوں ختم کیتا گیا ۔ انہاں آکھیا کہ عدلیہ تے بار ھک گھر ھِ تے اے ھک ھی گھر دی حوالی ءچ رھاوݨ والے لوگ ھن لیکن عدلیہ دی آزادی سلب تھئی چکی ھِ تے ھن اے بندوق والیاں دے کنٹرول ءچ آ گئی ھِ اسلام آباد ھائی کورٹ دے جسٹس نے آکھیا کہ موجودہ صورتحال دی ٥٠ فیصد ذمہ داری عدلیہ جبکہ باقی دیگر اداریاں تے عائد تھیندی ھِ جسٹس شوکت عزیز صدیقینے آکھیا کہ میکوں اے آکھیا گئیا کہ تساں اساݙی مرضی دے مطابق فیصلہ ݙیسو تاں نومبر دی بجائے ستمبر ءچ تساں کوں چیف جسٹس بنڑا ݙیندے ھیں۔ اپنڑیں اوتے دائر کرپشن ریفرنس دے بارے ءچ انہاں دا آکھݨ ھا کہ وڈے عرصے توں میڈی خواہش ھائی کہ بار دے سامنڑیں آ تے خود کو احتساب کیتے پیش کراں، میڈا سب توں وݙا احتساب میڈی بار ھی کر سکدی ھِ خیال رھاوے کہ جسٹس شوکت عزیز صدیقی دے خلاف سپریم کورٹ جوڈیشنل کونسل ءچ ٢ ریفرنس زیر التوا ھن جیندے ءچ ھک ریفرنس بدعنوانی توں متعلق ھِ جو کیپٹل ڈیویلپمنٹ اتھارٹی سی ڈی اے دے ھک ملازم دی طرفوں دائر کیتی گئی جبکہ ڈوجہی ریفرنس گزرن سال تھیون والے فیض آباد دھرنے ءچ پاک فوج دے کردار دے بارے ءچ انہاں دے اہم ریمارکس توں متعلق ھِ جئیں تے سپریم جوڈیشنل کونسل نے سوالات چاتے ھن۔ جسٹس شوکت عزیز صدیقی نے اپنڑیں خطاب ءچ مزید آکھیا کہ اے احتساب چند مہینیاں دا کینی، چند سالاں دی کینی بلکہ تریھ دھائیاں توں مشتمل ھِ میکوں خود کوں احتساب کیتے آپ دے سامنڑیں پیش کرنا ھا لوگ آپ کو میڈے بارے ءچ اے تاں آھیسی کہ صدیقی صاحب بعض اوقات مصلحت نال کم نی گھیندے بلکہ غصے دا اظہار ریندے ھن ۔ انہاں دا آکھݨ ھا کہ میڈا جئیں طرح اللہ تعالی تے محمد صلی اللہ علیہ و سلم تے ایمان ھِ ایں طرں میکوں اے یقین ھِ کہ میڈی بار توں کوئی ھک بندہ اٹھ تے اے نی آکھ سکدا کہ شوکت عزیز کہیں طرح دی کرپشن ءچ ملوث ھِ انہاں آکھیا کہ ایہا او اعتماد ھا کہ میں اپنڑیں وڈیاں توں آھیا کہ میکوں اپنڑیں خلاف ان کیمرا سماعت نی چاھیدی میڈا احتساب کرنا ھِ تاں سرعام کرو، میڈیا بار تے عوام وی ایندے ءچ موجود ھووے۔