ثاقب نثار دا وزیر اعظم کوں عدلیہ کوں سیاست اچ نہ وڑاوݨ دا مشورہ
رہنما مسلم لیگ (ن) مریم نواز دے بعد وزیر اعظم شہباز شریف نے وی مسلم لیگ ن دی سابقہ حکومت دی طرفوں شرع کیتے گئے ترقیاتی منصوبیاں کوں ونجاوݨ دا الزام سابق چیف جسٹس آف پاکستان ثاقب نثار تے لا ڈیتا۔
اخباری رپورٹ دے مطابق ثاقب نثار نے وی رد عمل اچ اپنڑی خاموشی توڑی تے شہباز شریف کوں مشورہ ڈیتا کہ او سیاست کرݨ پاروں انہاں دا ناں استعمال نہ کرن۔
مریم نواز پاناما پیپرز کیس اچ نواز شریف کوں بطور وزیر اعظم نااھل قرار ڈیوݨ پاروں ثاقب نثار تے الزام لائندی ھِ گزریل ڈینھ وزیر اعظم شہباز شریف نے وی ثاقب نثار کوں رگڑیاں تے پنجاب اچ اپنڑی سابق حکومت دے ڈو منصوبیاں کو ونجاوݨ اچ مبنی کردار تے ثاقب نثار تے تنقید کیتی۔ وزیر اعظم شہبز شریف نے الزام عائد کیتا کہ ثاقب نثار دے ایل آئی پاکستان کڈنی اینڈ لیور انسٹی ٹیوٹ اینڈ ریسرچ سینٹر کوں تاہ کر ڈیتا کیونکہ او اپنڑیں بھیرا کوں اوتھاں انچار لاوݨ چاھندے ھن۔
انہان آکھیا کہ اورنج لائن چین دا پاکستان تے لاہور دے عوام پاروں تھفہ ھا یکن پی ٹی آئی نے ایکوں عدالت اچ چینج کر ڈیتا جیتھاں ١١ مہینے مقدمہ سنڑاں گئیا تے ول سپریم کورٹ اچ اپیل اچ گئے تے ول ثاب نثار نے کارروائی سنڑی تے ٨ مہینے فیصلہ نی ڈیتا کیونکہ انہاں کوں ڈر ھا کہ الیکشن توں پہل اورنج لائن مکمل تھئی تاں مسلم لیگ ن دے وارے نیارے تھئی ویسن۔
ایں توں پہل مسلم لیگ ن دی طرفوں ثاقب نثار دے نال نال ھک بئے سابق چیف جسٹس آصف سعید کھوسہ تے آئی ایس آئی دے سابق سربراہ لیفٹینٹ جنرل فیض حامد کوں وی تنقید دا نشانہ بنڑایا ونج چکا ھِ تے انہاں تے عمران خان دی حکومت دے قیام اچ سہولت فراہم کرݨ تے نواز شریف کوں نا اھل قرار ڈیوݨ اچ ملوث تھیوݨ دا الزام عائد کیتا گئے۔ وزیر اعظم شہباز دے الزامات دا جواب ڈیندے ہووے انہاں آکھیا کہ مسلم لیگ ن دی حکومت کوں کہیں منصوبے کوں کڈھیں نی روکیا، انہاں آکھیا کہ وزیر اعظم کوں عدلیہ کوں سیاست اچ نہ وڑاون دا مشورہ ڈیتا آکھیا کہ شہباز شریف صرف اپنڑیں سیاسی فائدے پاروں میڈے اتے الزام لائندا پئے
