ترک صدر اج پارلیمنٹ دے مشترکہ اجلاس ءچ خطاب کریسن

ترک صدر رجب طیب اردوان اج (جمعہ) اسلام آباد ءچ پارلیمنٹ دے مشترکہ اجلاس ءچ خطاب کریسن، رجب طیب اردوان پچھلے ݙو ݙینھ توں دور ہپاکستان تے ومجود ھن جنہاں دا مقصد ݙو طرفہ تزویراتی شراکت داری تے اقتصادی تعلقات کوں مضبوط بنڑاوݨ ھِ صدر مملکت عارف علوی دی طرفوں طلب کیتا ونجݨ والا پارلیمنٹ دا مشترک اجلاس سویرے ١١ وجے شروع تھیسی ۔ خیال رھاوے کہ ترک صدر چوتھی واری پاکستانی پارلیمنٹ توں خطاب کریسن انہاں پاکستان مسلم لیگ ن دی حکومت دے دوران ٢٠١٦ ءچ پاکستان دا آخری دورہ کیتا ھا تے پارلیمنٹ نال خطاب وی کیتا ھا

پاکستان تحریک انصاف اراکین نے ایں ویلے دے وزیر اعظم نواز شریف دی مبینہ کرپشن دیخلاف احتجاج کریندے ہووے اجلاس دا بائیکاٹ کیتا ھا ۔ پارلیمنٹ دے مشترکہ اجلاس ءچ خطاب توں پہل طیب اردوان ݙو طرفہ خطے تے عالمی مسائل تے تبادلہ خیال کریسن وزیر اعظم عمران خان نال ملاقات وی کریسن۔ علاوہ ایندے رجب طیب اردوان تے وزیر اعظم عمران خان پاکستان ، ترکی ھائی لیول اسٹیٹیجک کوآپریشن کونسل دے چھٹے اجلاس دی مشترکہ صدارت کریسن تے پاکستان ترکی کاروباری تے انویسٹمنٹ فورم دے نال وی خطاب کریسن۔ اجلاس ءچ طے پاتے ونجݨ والے مفاہمتی یادداشتاں دے دستخط دی تقریب تھیسی۔ وزیر اعظم عمران خان تے ترک صدر دی طرفں مشترکہ پریس کانفرنس کرݨ دا امکان ھِ

پچھلے ݙو ݙینھ پہل صدر رجب طیب اردوان ، وزیر اعظم عمران خان دی دعوت تے ٢ روزہ دورے تے پاکستان پھجے ھن۔وزیر اعظم عمران خان نے نوز خان ایئر بیس تے ترک صدر رجب طیب اردوان تے انہاں دی اھلیہ امینہ اردوان دا استقبال کیتا۔ ترک صدر دی آمد دے موقع تے نور خان ایئربیس تے سیکیورٹی دے سخت انتظامات کیتے گئے ھن تے نور خان ایئر بیس توں گھن تے ریڈ زون تک سیکیورٹی ھائی الرٹ ھائی وفاقی دارالحکومت اسلام آباد ءچ استقبالہ پوسٹر لائے گئے ۔ وزیر اعظم عمران خان نے ایئر بیس توں وزیر اعظم ھاوس تک ترک صدر دی گݙی خود چلائی ھائی۔