تحریک انصاف دے سینئر رہنما راجہ یاسر ہمایوں دا سیاست چھوڑݨ دا اعلان
لاہور : تحریک انصاف دے جنرل سیکریٹری راجہ یاسر ہمایوں نے وی سیاست چھوڑݨ دا اعلان کر ڈیتا۔ سابق صوبائی وزیر راجہ یاسر ہمایو نے اپنڑیں ویڈیو بیان اچ اکھیا کہ میں ٩ مئی دے واقعات دی شدید الفاظ اچ مذمت کریندا ھاں تے سیاست چھوڑݨ دا اعلان کریندا ھاں۔
ڈوجہے پاسے تحریک انصاف پشاور ریجن دے جنرل سیکرٹری کامران بنگش نے وی ٩ مئی دے واقعے دی مزمت کریندے ہووے آکھیا کہ سرکاری ، نجی تے عسکری املاک کوں نقصان پھجاوݨ والیاں دیخلاف بھر پور کارروائی تھیونڑیں چاھیدی ھِ ۔
سابق صوبائی وزیر کامران بنگش نے مزید آکھیا ھِ کہ پاک فوج دی قربانیاں کوں دل دی گہرائیاں نال قدر دی نگاہ نال ڈیکھدے ہیں تے پاک فوج دے خلاف ہر قسم دے اقدام دی بھر پور مزمت کریندے ھیں۔
