خیبر پختونخوا تے سندھ نے وفاق توں مزید ٤ لکھ ٹن کنڑینک منگ گھیدی
صوبے وفاق توں مزید ٤ لکھ ٹن کنڑینک منگ گھیدی
لاہور (سرائیکی نیوز) پنجاب ، خیبر پختونخوا تے سندھ حکومت نے اپنڑیں صوبیاں ءچ اٹے دی فراہمی کوں معمول تے گھن آوݨ تے مستحکم بنڑاون کیتے وفاقی حکومت توں مزید ٤ لکھ ٹن کنڑینک (گندم) دا مطالبہ کر ݙیتاھِ پنجاب نے وفاق کوں واضح کیتا ھِ کہ اگر اضافہ کنڑینک نی ملدی تاں خیبر پختونخوا کوں پنجاب توں یومیہ آٹا سپلائی جاری رکھݨ مشکل تھئی ویسی ۔
کل اسلام آباد ءچ تھیوݨ والی اجلاس ءچ سیکریٹری فوڈ پنجاب نے وفاقی حکومت توں مطالبہ کیتا ھا کہ وفاقی محکمہ پاسکو دے گوداماں ءچوں ٢ لکھ ٹن گندم پنجاب کوں فراہم کرے کیونکہ پنجاب دے کول اتنے وافر اسٹاک موجود کینی کہ او خیبر پختونخواہ کوں یومیہ ڈیڈھ لکھ تھیلے دی فراہمی جاری رکھ سکے تے اپنڑی ضرورت وی پوری کرے۔
