آرمی چیف جنرل قمر جاوید باجوہ نال فرانس دے سفیر نکلولس گیلے دی ملاقات ، آپسی دلچسپی ، سکیورٹی صورتحال تے ڳالھ مہاڑ

راولپنڈی  (اے پی پی) پاک فوج دے سربراہ جنرل قمر جاوید باجوہ نال فرانس دے سفیر نکلولس گیلے ملاقات کیتی جئیں اچ دفاع، سکیورٹی تعاون اتے مجموعی علاقائی صورتحال تے ڳالھ کیتی ڳئی۔ آئی ایس پی آر دے مطابق اے ملاقات جی ایچ کیو راولپنڈی اچ تھئی۔ ملاقات اچ سارے شعبیاں اچ ݙو پاسہ تعلقات ودھاوݨ دی خواہش دا اظہار کیتا ڳیا۔ ایں موقع تے آرمی چیف آکھیا جو پاکستان فرانس نال تعلقات کوں اہمیت ݙیندے۔ پاکستان فرانس نال آپسی سود مند کثیر جہتی تعلقات کوں ٻیا ودھاوݨ چاہندے۔  فرانسیسی سفیر علاقائی استحکام اچ پاکستان دی کوششاں دی تعریف کیتی۔