جامشورو دے علاقے اچ شدید گرمی دے بعد شدید بارش تے ننانوے وسݨ دے نتیجے اچ دیوار ڈھاوݨ نال تریھ بال جاں بحق تے ٤ توں ودھ بندے زخمی تھئی گئے۔
کوٹری دے اسٹیشن ھاوس افسر (ایس ایچ او)خیر محمد ملاح نے اخبار نال گالھ کریندے ہووے ڈسایا کہ تیز ہوواں دے نال ژالہ باری دے نتیجے اچ ٧ سالہ عاصمہ، ٨ سالہ فرحانہ تے ١٠ سالہ محمد یوسف دیوار ڈھاوݨ نال جاں بحق تھئی گئے جنہاں کوں سول ہسپتال منتقل کر ڈیتا گئیا
ایس ایچ او آکھیا کہ کوٹری دی کچی آبادی دے علاقیاں بروہی چوک تے ببر اسٹاپ تے دیواراں ڈھاوݨ نال اے واقعات پیش آئے ھن جنہاں اچ ٢ بالاں سمیت ٤ بندے زخمی وی تھئی ھن ۔ سول ہسپتال کوٹری دے میٹیکل سپرنٹنڈنٹ برکت لغاری نے ڈسایا کہ بارش تے ثالہ باری دے نتیجے اچ تریھ بال جاں بحق تھئی گئے جبکہ چار بندے زخمی تھئے۔ تاہم ضروری طبی کارروائی دے بعد بالاں دی لاشاں وارثاں دے حوالے کر ڈیتی گئی ۔ ایتھاں تے ژالہ باری دے بعد شہر اچ مواصلاتی نظام شدید متاثر تھئیا جبکہ کجھ علاقیاں اچ پانڑیں جمع تھئی گئیا جیندی وجہ نال ٹریفک دی روانی معطل تھئی گئی۔
