نیشنل ڈیٹا بیس اینڈ رجسٹریشن اتھارٹی نادرا نے شہریاں تے اداریاں کوں بالاں تے عورتاں دیخلاف جنسی جرائم اچ منسلک بندیاں دی شناخت تے انہاں دا سراغ لاوݨ اچ مدد کرݨ پاروں ھک ایس ایم ایس تصدیقی سروس دے نال نینل سیکس آفنڈرز رجسٹری (این ایس او آر ) پلیٹ فارم تیار کیتا ھِ ۔ اخباری رپورٹ دے مطابق اے جنسی مجرماں دا ھک متحرک ڈیٹا بیس ھِ ایں ضمن اچ مختلف قانون نافذ کرݨ والے محکمیاں تے صوبائی حکومت دے نال رابطے قائم کیتے گئے ھن تاکہ ویلے نال اپ ڈیٹس کون یقینی بنرایا ونجے۔ ایں اقدام دا مقصد جنسی تشدد تے بدسلوکی دی روک تھام پاروں خدمات کوں زیادہ متحرک تے اداریاں تے عوام دی ضروریات پاروں فعال بنڑایا ونجے۔ ایس ایم ایس تے مبنی تصدیق سروس شہریاں ، آجراں تے محکمیاں کوں ایہو جئے مجرماں توں ہوشیار رھاوݨ پاروں متنبہ کریسی۔
نادرا دے چیئرمین طارق ملک دے مطابق اے اقدام ہمیشہ میڈے دل دے نیڑے رھیا ھِ جو خواتین تے بالاں کوں جنسی تشدد تے بدسلوکی توں بچاوݨ پاروں ھک اہم قدم ھِ انہاں اعلان کیتا کہ شہری ھݨ ایں سروس کوں استعمال کریندے ہووے گھریلو کماں، مساجد، کالجاں ، یونیورسٹیاں یا کہیں بئے ملازمت پاروں رکھے ونجݨ والیاں دے شناختی کارڈ نمبر دی تصدیق کر سکدے ھن تاکہ اے یقینی بنڑایا ونج سکے کہ او جنسہ مجرم کینی ، انہاں دا ریکارڈ صاف ھِ تے انہاں تے خواتین تے بالاں دے ہوندے ہووے بھروسہ کیتا ونج سکتا ھِ
طارق ملک نے آکھیا کہ بال یا عورت دیخلاف جنسی زیادتی دے صر فھک وی واقعے کوں روکݨ نہ صر فتحفظ دا عمل ھِ بلکہ اساڈے مک دے مستقبل اچ سرمایہ کاری وی ھِ انہاں دا آکھݨ ھا کہ اساں کمزور توں کمزور بندیاں دے ذمہ دار ہیں تے اساڈی قوم کاں ایندی ذمہ داری کوں سنجیدگی نال گھنڑاں ہوسی
