پی ڈی ایم دا ممکنہ احتجاج، سپریم کورٹ بار ایسوسی ایشن دا تحمل دا مظاہرہ کرݨ دی تاکید
حکمران اتحاد، سابق وزیر اعظم و چیئرمین پی ٹی آئی عمران خان دی مبینہ حمایت کرݨ تے عدلیہ دیخلاف کل دھرنہ ڈیوݨ پاروں تیار ھِ ، تاہم سپریم کورٹ بار ایسوس ایشن (ایس سی بی اے) نے سیاسی جماعتاں تے زور ڈیتا کہ او ایہوجے اقدام توں باز رھاون
اخباری رپورٹ دے مطابق کہیں وی ناخوشگور واقعے دے امکان دے پیش نظر سپریم کورٹ دے رجسٹرار عشرت علی نے گزریل ڈینھ اسام آباد انتظامیہ تے پولیس دا اجلاس طلب کیتا جیندے اچ سیکیورٹی انتظامات تے بریفنگ ڈیتی گئی ۔ احتجاج دا اعلان جمعہ کوں سربراہ جے یو آئی (ف) مولانا فضل الرحمن آکھیا کہ جو پاکستان ڈیموکریٹک موومنٹ پی ڈی ایم الائنس دے سربراہ وی ھن۔ پی ڈیم ایل دا کل پیر کوں اسلام آباد دے کانسٹی ٹیوشن ایونیو اچ سپریم کورٹ دی عمارت دے باہر دھرنا ڈیوݨ دا ارادہ ھِ جیتھاں کل سپریم کورٹ پنجاب اچ انتخابات دی تاریخ دے فیصلے تے نظر ثانی کرݨ پاروں الیکشن کمیشن دی طرفوں دائر درخواست دی سماعت شروع کریسی۔
مسلم لیگ ن اعلان کیتا ھ کہ پارٹی دی چیف آرگنائزر مریم نواز دھرنے اچ شرکت پاروں پہل ھی اسلام آباد پھج چکی ھِ ھک بیان اچ صدر سپریم کورٹ بار ایسوسی ایشن عابد ایس زبیری تے سیکریٹری مقتدیر اختر شبیر نے حکمران سیاسی جماعتاں توں درخواست کیتی کہ او احتجاج نہ کرنے تے نا ایہو جیا کوئی اقدام کرن جئیں نال عدلیہ دی سالمیت تے امور کوں نقصان پھجے۔ انہاں سیاسی اسٹیک ہولڈراں تے وی زور ڈیتا کہ او ملک دی ترقی دے بہترین مفاد اچ سیاسی درجہ حرارت کوں گھٹ کرن۔
