لاہور۔24فروری(اے پی پی):پاکستان مسلم لیگ( ن) دی نامزد وزیرِ اعلی پنجاب مریم نواز شریف نال نگران وزیرِ اعلی محسن نقوی جاتی امراءاچ ملاقات کیتی ،ایں موقع تے نگران وزیرِ اعلی پنجاب اچ ترقیاتی کماں دے حوالے نال مریم نواز شریف کوں بریفنگ ݙتی، مریم نواز شریف سید محسن نقوی دی نگران وزیر اعلی پنجاب دے طور تے عوامی خدمات دی تعریف کیتی ۔محسن نقوی مریم نواز کوں وزیرِ اعلی پنجاب دے عہدے تے نامزدگی تے مبارخ ݙیندے ہوئیں آکھیے جو ملکی تاریخ دی پہلی تریمت دا وزیرِ اعلی ہووݨ ھک روشن مثال تے پورا یقین اے جو مریم نواز پنجاب اچ عوامی خدمت دی نویں تاریخ لکھسن ۔