تساݙا پیشہ مسیحائی اے ، ݙکھی انسانیت دی خدمت سانڳے ایویں آپݨی ساری توانائیاں صرف کرو جیویں تعلیم دے میدان اچ کیتن ،نامزد وزیر اعظم محمد شہباز شریف دا شریف میڈیکل ٹرسٹ دے سالانہ کانووکیشن توں خطاب
اسلام آباد۔24فروری (اے پی پی):نامزد وزیر اعظم محمد شہباز شریف شریف میڈیکل ٹرسٹ توں فارغ التحصیل تھیوݨ آلے طلباء تے زور ݙتے جو تساݙا پیشہ مسیحائی اے ، ݙکھی انسانیت دی خدمت سانڳے ایویں آپݨی ساری توانائیاں صرف کرو جیویں تعلیم دے میدان اچ کیتن۔ ساݙے والد محمد شریف مرحوم دا لاتا ہویا ٻوٹا اڄ ھک تناور وݨ بݨ چکیے جئیں دی چھاں تلے ہزاراں ٻال تے ٻالڑیاں علم گھنݨ سانڳے محنت کریندے پئن۔ اے ڳالھ انہاں شریف میڈیکل ٹرسٹ دے سالانہ کانووکیشن توں خطاب کریندے ہوئیں آکھیے اے ۔ انہاں آکھیے ایں وقار تقریب اچ شرکت کر تے ٻہوں خوشی محسوس تھیندی پئی اے اڄ جنھاں ٻال تے ٻالڑیاں کوں میڈلز اتے سرٹیفکیٹس ملئن اے صرف انھاں دی محنت ،اتھاں موجود انھاں دے استاداں دی بہترین تخلیق ،محنت اتے عظیم والدین دیاں دعاوں تے تربیت دا نتیجہ اے جو اڄ تساکوں اللہ تعالی اے ٻہوں وکھرا مقام ݙیوائے تساڈا پیشہ مسیحائی اے تساں ہݨ عملی میدان اچ ونڄ تے ݙکھی انسانیت دی خدمت کرݨی اے ۔
