کنڑک دی سرکاری قیمت نظر انداز کرݨ تے وزارت غذائی تحفظ دا سندھ ، بلوچستان حکومتاں کوں خط
بلوچستان تے سندھ دی طرفوں گندم دا سرکاری نرخ نظر انداز کرݨ تے وزارت قومی غذائی تحفظ نے ڈونہاں صوبیاں دی حکومتاںکوں خطے لکھ چھوڑے
اخباری خبر دے مطابق ملک بھر اچ رواں سیزن کنڑک دی یکساں امدادی قیمت ڈیوں دے معاملے تے وزارت قومی غذائی تحفظ نے بلوچستان تے سندھ دی حکومت کوں خط لکھ ڈیتے ۔ ڈونہیں صوبیاں نے سرکاری ریٹ کوں پرے کریندے ہوے گندم دے فی مݨ الگ الگ ریٹ مقرر کر ڈیتے ھن۔
بلوچستان نے ٤ ھزار ٣٠٠ روپے فی مݨ دے حساب نال کساناں توں گندم گھنݨدا فیصلہ کیتا ھِ سندھ چار ھزار روپے فی گندم کساناں توں گھنسی۔
تاہم حکومت نے مالی سال ٢٠٢٣ تا ٢٠٢٤ پاروں سرکاری سطح تے تریھ ھزار ٩٠٠ روپے فی مݨ ریٹ مقرر کر رکھی ھا ۔ قیمتاں اچ تنازع دے مسئلے کوں مد نظر رکھیندے ہووے وزارت غذائی تحفظ نے بلوچستان تے سندھ دی حکومتاں کوں خط لکھ ڈیتے ھن ۔ خط دے متن دے مطابق اقتصادی رابہ کمیٹی (ای سی سی ) چ ڈونہیں صوبیاں نے گندم دی سرکاری امداد قیمت تریھ ھزار ٩٠٠ روپے فی مݨ فیصلہ دی توثیق کیتی ھِ
خط اچ یاد دھانی کروائی ھِ کہ قیمتاں چ تنازع توں عام کسان تے گندم دی پیداوار کوں نقصان دا خدشہ ھِ ، پیداوار ، ذخیرہ اندزی تے اسمگلنگ دے مسائل پیدا تھئی سکدے ھن ، پاسکو وی ڈونیں صوبیاں توں چار ھزار ٣٠٠ تے ٤ ھزار روپے تے گندم نی خرید سکدے۔ لہذا حکومت بلوچستان تے سندھ اپنڑیں فیصلیاں تے نظر ثانی کریسن۔
