سپریم کورٹ دا پنجاب، خیبرپختونخوا اچ ٩٠ ڈینھ اچ الیکشن کرواوݨ دا حکم

سپریم کورٹ نے پنجاب تے خیبر پختونخوا اچ انتخابات اچ تاخیر توں متعلق از خود نوٹس دا فیصلہ سنڑاں ڈیتا جیندے اچ ڈونہاں صوبیاں اچ نویں ڈینھ اچ الیکشن کرواوݨ دا حکم ڈے ڈیتا۔

سپریکم کورٹ دے پنجھ رکنی بینچ دی طرفوں سامنڑیں آوݨ والا اے فیصلہ ڈو دے مقابلے اچ تریھ دی اکثریت دے نال جاری کیتا گئیا ھِ جسٹس منصور علی شاہ تے جسٹس جمال خان مندوخیل انہاں چاراں ججاں اچ شامل ھن جنہاں ٢٣ فروری دے حکم اچ اضافہ نوٹ تحریر کیتے ھن تے ڈونہاں ججاں نے بینچ دے تریھ اراکین دے ایں فیصلے نال اختلاف کیتا تے از خود نوٹس کوں مسترد کر ڈیتا۔

سپریم کورٹ دے مختصر فیصلے اچ آکھا گئیا ھِ کہ ڈونہاں صوبیاں اچ ٩٠ ڈینھ اچ انتخابات تھیونڑیں ھن پارلیمانی جمہوریت اچ انتخابات اہم عنصر ھن ۔ سپریم کورٹ نے اپنڑیں فیصلے اچ آکھا کہ خیبر پختونخوا دی حد تک گورنر انتخابات دی تاریخ دا اعلان کر سکدا ھِ اگر گورنر اسمبلی تحلیل نہ کرے تاں صدر مملک اعلان کر سکدا ھِ الیکشن کمیشن فوری طور تے صدر مملکت نال مشاورت کرے ، ٩ اپریل کوں انتخابات ممکن کینی تاں مشاورت نال پنجاب اچ تاریخ بدلی ونج سکدی ھِ اپنڑیں فیصلے اچ سپریم کورٹ نے قرار ڈیتا کہ جیتھاں گورنر نے صوبائی اسمبلی کوں تحلیل کیتا اوتھاں انتخابات پاروں تاریخ مقرر کرݨ دی آئنی ذمہ داری گورنر دی دی طرفوں ادا کیتی ونجڑیں چاھیدی ھِ جیتھاں گورنر دے حکم نال اسمبلی تحلیل نی کیتی گئی اوتھاں عام انتخابات دی تاریخ مقرر کر تے انہاں دی آئینی ذمہ داری صدر کوں ادا کرنی ہوسی۔

عدالت عظمی نے آکھیا کہ صوبائی اسمبلی دی تحیل دے بعد انتخابات مقررہ مدت دے اندر تھیونڑیں ھن ایں پاروں صدر یا گورنر کوں انتخا بات دی تاریخ مقرر کرݨ دی آئینی ذمہ داری جلد بغیر کہیں تاخیر دے گھٹ توں گھٹ ویلے دے اندر ادا کرنی چاھیدی ھِ ۔ پنجاب اسمبلی دی تحلیل دے حوالے نال انتخابات دی تاریخ مقرر کرݨ دی آئینی ذمہ داری گورنر دی ھائی حکومت اچ مزید آکھیا گئیا ھِ کہ عام حالات اچ پنجاب اچ جنرل الیکشن ٩ اپریل کوں تھیونڑیں چاھیدے ھن جیویں کہ صدر دی طرفوں تاریخ ڈیتی گئی لیکن انتخابات دی تاریخ دا اعلان تاخیر انل کیتا گئیا ایں پاروں نوے ڈینھ دے اندر صوبے اچ انتخابات دا انعقاد ممکن نی تھئی سکدا۔ فیصلے اچ آکھا گئیا ھِ کہ الیکشن کمیشن کوں ھدایت کیتی ویندی ھِ کہ او فوری طور تے آئین دے مطابق تاریخ تجویز کرݨ پاروں اپنڑیں پوری کوششاں بروے کار گھن آون تے الیکشن کمیشن نال مشاورت دے بعد صدر مملک پنجاب اسمبلی دے عام انتخابات دے انعقاد دی تاریخ دا اعلان کریسن۔