سری لنکا اتے پاکستان وچال تجارت، معیشت اتے تعلیم دے شعباں اچ تعاون ودھاوݨ دی لوڑھ اے، صدر عارف علوی دی سری لنکن سینئر سول سرونٹس دے وفد نال ڳالھ مہاڑ

سری لنکا اتے پاکستان وچال تجارت، معیشت اتے تعلیم دے شعباں اچ تعاون ودھاوݨ دی لوڑھ اے، صدر عارف علوی دی سری لنکن سینئر سول سرونٹس دے وفد نال ڳالھ مہاڑ

اسلام آباد (اے پی پی)صدر مملکت ڈاکٹر عارف علوی سری لنکا اتے پاکستان وچال تجارت، معیشت اتے تعلیم دے شعباں اچ تعاون ودھاوݨ دی لوڑھ تے زور ݙیندے آکھیے جو ݙوطرفہ تعلقات کوں ٻیا تکڑا کرݨا چاہیدے۔ اے ڳالھ انہاں سری لنکا دے سینئر سول سرونٹس دے وفد نال الیندے آکھی۔ ایں ویلھے سری لنکا دے 20 سینئر سول سرونٹس اسلام آباد دی نیشنل ڈیفنس یونیورسٹی اچ انٹرنیشنل ریلیشنز، پیس اینڈ اسٹریٹجک اسٹڈیز، پبلک پالیسی، لیڈر شپ اتے مینجمنٹ کیتے ݙو ہفتے دے تربیتی پروگرام اچ شرکت کریندے پن۔ صدر بیوروکریسی کوں آکھیے جو او لوکاں دی لوڑھ پوری کرݨ، نظام دی کارکردگی ودھاوݨ اتے تیز رفتار ترقی کیتے اقدامات کرن، ترقی پذیر ممالک کوں تعلیم و صحت دے شعباں دی ترقی تے توجہ ݙیوݨ سودھا درپیش چیلنجز نال نمتݨ کیتے تیز فیصلے کرݨے چاہیدن۔