اسلام آباد (اے پی پی) وزیر اعظم محمد شہبازشریف آکھیا جو میں فرانس دے صدر ایمانوئل میکرون اتے فرانسیسی عوام کوں انہاں دے قومی ݙینھ تے مبارخ ݙیندن۔ اے ݙینھ فرانسیسی عوام دی انقلابی جدوجہد دی یاد اچ منایا ویندے جئیں پاروں آزادی، مساوات اتے بھائی چارے دا ہک نواں دور شروع تھیے۔ جمعے کوں اپݨے ٹویٹ اچ انہاں آکھیا جو پاکستان گزریل سال تباہ چھل دا سامݨا کریندے پے ہاسے، ایندے اچ صدرمارکن اتے انہاں دی حکومت فوری مدد نال اڳوں آئی۔ جنیوا اچ ریزیلیئنٹ پاکستان کانفرنس اچ فرانس ولوں موسمیاتی تبدیلیاں دی وکالت اتے پاکستان دی حمایت وی اتنی قابل تعریف اے۔