پاکستان ݙایوالہ تھئے نا تھیسی، ملک اچ معاشی ایمرجنسی دا کوئی امکان کائنی، وفاقی وزیر خزانہ محمد اسحاق ڈار دی پریس کانفرنس

March 3, 2023

Read Time:1 Minute, 36 Second

Pakistan is not ready, there is no possibility of economic emergency in the country, Federal Finance Minister Muhammad Ishaq said at the press conference.

اسلام آباد۔3مارچ(اے پی پی)وفاقی وزیر خزانہ سینیٹر محمد اسحاق ڈار آکھیے جو پاکستان ݙایوالہ تھئے نا تھیسی، ملک اچ معاشی ایمرجنسی دا کوئی امکان کائنی۔ اسلام آباد اچ پریس کانفرنس کریندے اڄوکے معاشی حالات دا ذمہ دار سابق حکومت، سابق وزیراعظم عمران خان اتے اوں ویلھے دے وزیر خزانہ شبر زیدی کوں قرار ݙیندے آکھیے جو اتھادیاں حکومت اچ آوݨ دا فیصلہ دلیرانہ ہا جیندے نال ملک کوں ݙیوالہ تھیوݨ توں بچاوݨ اتے معاشی حالت سدھارݨ اچ مدد ملی اے۔ انہان آکھیا جو معاشی حالات اوکھے ضرور ہین ٻھل ملک ݙیوالہ نئیں تھیندا پیا، عالمی صورتحال پاکستان تے وی اثر سٹین، عمران خان ڈیفالٹ، ڈیفالٹ دی رٹ لائی ہوئی اے ڄیں آپ ملک کوں ایں حالت تئیں پچائے، حالیہ سیلاب نال پاکستان کوں 30 ارب ڈالر دا نقصان تھئے، جولائی توں فروری تئیں مہنگائی اڄ 26.2 فیصد اے، غریب آدمی دی امداد کیتے فنڈ اچ 25 فیصد اضافہ کر تے 400 ارب روپے کرݙتے، عمران خان دور دے معاشی اعشاریے ساݙے کولو چنڳے کائنی، مالیاتی اتے جاری کھاتیاں دا خسارہ ݙو وݙے مسلے ہین، درآمدات 23 فیصد کمی کیتی اے، سٹیٹ بنک کولو زرمبادلہ دے ذخائر 2.8 ارب ڈالر توں ودھ تے 3.8 ارب ڈالر تھی ڳن، ایں سال 6.5 ارب ڈالر ولا ݙتن، چینی بنک کوں ولا ݙتے ڳئے 1.3 ارب ولا رول اوور تھی تے مل ویسن، چینی بنک ایں ہفتے 50 کروڑ ڈالر اتے ٻعے ہفتے ٻئے 50 کروڑ ڈالر ݙیسی۔ کمرشل بینکاں کولو 5.44 ارب ڈالر دا زرمبادلہ پئے اتے کل 9.26 ارب دے ذخائر ہین ٻھل اے ٻیا ودھسن۔ انہاں آکھیا جو معیشت چنڳی کرݨ اچ ویلھا لڳدے، ہک بٹں نال سب کڄھ تھیک نئیں تھی ویندا، اڄ کوئی وی نہیں پاکستان تے اعتماد کوں تیار کائنی۔