ایویں لگدے آرمی چیف میکوں اپنڑاں دشمن سمجھدے پیا ھِ ، عمران خان

Imran Khan, the Army Chief, has taken him as an enemy

پاکستان تحریک انصاف دے چیئرمین عمران خان دا آکھݨ ھا کہ اسٹیبلشمنٹ نال میڈی کوئی لڑائی کینی لیکن ایویں لگدے کہ آرمی چیف میکوں اپنڑاں دشمن سمجھدے پئے ھن۔

لاہور اچ صحافیاں نال گالھ مہاڑ کریندے ہووے عمران خان آکھیا کہ میڈی اسٹبلیشمنٹ نال کوئی لڑائی کینی لیکن کوئی اے سمجھدا ھِ کہ گھٹنے ٹیک ڈیواں تاں اے نی تھئی سکدا ۔ انہاں دا آکھݨ ھا کہ ھݨ کوئی گالھ کرݨ کوں تیار کینی تاں میں کیا کراں لیکن ملک دی بہتری پاروں آرمی چیف نال گالھ کرݨ واسطے تیار ھاں ۔ عمران خان آکھیا میں چیلنج کریندا ھا کہ میڈے اتے تے میڈی اھلیہ تے کرپشن دا ھک کیس ثابت کر ڈیوون ۔ آرمی چیف ھی میڈے خلاف کوئی کرپشن دا کیس کڈھن

سابق وزیر اعظم نے آکھیا کہ ایویں لگدا ھِ کہ آرمی چیف میکوں اپنڑاں دشمن سمجھدے ھن، انہاں آکھیا کہ اساڈی اسٹبلشمنٹ کوں سمجھ نی آندی کہ کیا سیاست ہوندی ھِ پورا زور لایا گئیا کہ پرویز الہی میڈا نال نہ تھیووے تے پرویز الہی دے نال وفاداری ڈکھاونڑی ھِ انہاں آکھیا ھا کہ میں کہیں نال بے وفائی نی کر سکدا، چیئرمین پی ٹی آئی نے سابق آرمی چیف تے الزامات عائد کریندے ہووے آکھیا کہ جنرل (ر) قمر جاوید باجوہ نے میڈی کمر اچ چھری ماری ھِ ۔ انہاں آکھیا کہ قمر جاوید باجوہ نے روس دی مخالفت اچ تقریر کیتی ، ایں تقریر تے جنرل باجوہ دا کورٹ مارشل تھیونڑاں چاھیدا ھا ۔

انہاں دا آکھݨ ھا کہ فوج دا مضبوط تھیوݨ بہوں ضروری ھِ قتل دی دھمکیاں دے حوالے نال گالھ کریندے ہووے عمران خان آکھیا کہ جان دے خطرے توں متعلق میڈی ریکارڈ شدہ ویڈیو موجود ھِ اے ویڈیو بیرون ملک موجود ھِ ملک اچ ھک نال انتخابات دی حمایت کریندے ہووے انہاں آکھیا کہ ھی واری اچ عام انتخابات تھیون تاں پیسیاں دی بچت تھیسی۔ انہاں آکھیا کہ اساں پاکستان ڈیموکریٹک موومنٹ پی ڈی ایم دے امپائرز دے بوجود الیکشن جیتیسوں تے سمندر پر پاکستانی وی پی ٹی آئی دے نال ھن۔

سابق وزیر اعظم نے مزاحیہ انداز اچ آکھا کہ مخصوص نشستاں تے خواتین کوں وی چاھندی ھن او وزیر اعلی پنجاب بنڑن، پنجاب دے وزیر اعلی دا فیصلہ ھݨ کر گھیدا تاں قتل عام تھئی ویسی۔ ھک سوال تے انہاں آکھیا کہ سعودی ولی عہد محمد بن سلمان ھݨ وی میڈے نال رابطے اچ ھِ اسلام آباد دی عدالت اچ پیشی پاروں جہاز دے ذریعے نہ ونجݨ توں متعلق گالھ کریندے ہووے انہاں آکھیا کہ ہوائی جہاز توں اسلام آباد ونجݨ دا فیصلہ رات کوں ١٢ وجے کیتا ھا عمران خان دعوی کیتا کہ خبر آئی ھائی کہ میکوں ہوائی اڈے توں گرفتار کر تے بلوچستان گھن ونجݨ چاھندے ھن جنہاں میڈی حفاظت کرنی ھِ میکوں انہاں توں ھی خطرہ ھِ ھک سوال تے انہاں آکھیا کہ جیل اچ پاوݨ نال بئے ووٹ پوسن۔ پاکستان مسلم لیگ ن دی سینئر نائب صدر مریم نواز تے تنقید کریندے ہووے انہاں آکھیا کہ مریم نواز میڈی بیسٹ پلیئر ھن جئیں ویلے مشکل آندی ھِ تاں او کوئی نہ کوئی ایہو جئی گالھ کر ڈیندی ھِ جئیں نال فائدہ تھئی ویندا ھِ