ٹرمپ انتظامیہ پاکستان اچ نیٹو سپلائی دی ممکنہ بندش توں پریشان
رائٹر کوں ڈسایا کہ پاکستان اچ زمینی تے فضائی رستیاں تو نیٹو سپلائی بند تھیون دے باعث امریکا دے واسطے افغانستان اچ شدید مشکلات کھڑی تھئی ویسی
واشنگٹن(سرائیکی نیوز ڈیسک) امریکی صدر ڈونلڈ ٹرمپ دی حکومت پاکستان اچ نیٹو سپلائی دی ممکنہ بندش دے حوالے نال پریشانی دا شکار ھِ کیونکہ ایندے نتیجے اچ افغانستان اچ ایں واسطے وڈی مشکلات پیدا تھئی ویسن۔
غیر ملکی خبر رساں ادارے دے مطابق صدر ٹرمپ حکموت دے اعلی افسر دے ناں ظاہر نا کرن دی شرط تے رائٹر کوں ڈسایا کہ پاکستان اچ زمینی تے فضائی رستیاں تو نیٹو سپلائی بند تھیون دے باعث امریکا دے واسطے افغانستان اچ شدید مشکلات کھڑی تھئی ویسی، امریکیحکومت ایں توں نمٹن کیتے متبادل رستے استعمال کرن تے غور کریندی پئی ھِ جیندے اچ شمالی رستے وہ تھئی سکدن لیکن او روٹ بہوں طویل تے دشوار گزار ہوسی۔
ٹرمپ انتظامیہ دے اعلان عہدیدار نے امید ظاہر کیتی کہ امریکا دی طرفوں امداد دی پیش کش امریکی تحفظات نال پاکستان کوں آگاہ کرن کیتے کافی ھِ اتاہم شاھد صرف مالی امداد دی بندش کافی نا ہووے بلکہ امریکی حکومت پاکستان تے دباو ودھاوے کیتے دیگر اقدامات تے وی غور کرسکدی ھِ انہاں نے آکھیا کہ اساں صرف مالی نی بلکہ دیگر اقدامات دا وی جائزی گھیندے پئے ھیں اساں امداد بند کرن دے بعد پاکستان دے رد عمل تے ایں توں نمٹن دے طریقیاں دا وی جائزہ گھیندے پئی تے ایں گالھ دی وہ کوشش کیتی ویندی پئی ھِ کہ باہمی تعلقات متاثر نا تھیون، ڈوجہے پاسے امریکی وزیر دفاع جیمز دا آکھنا ھا کہ تاحال تشویس دی کوئی گالھ کینی کیونکہ پاکستان نے نیٹو سپلائی بند کرن دا کوئی اشارہ نی ڈیتا۔
امریکا دا الزام ھِ کہ افغتانستان اچ غیر ملکی فوجیاں تے حملے اچ افغان طالبان تے حقانی نیٹ ورک ملوث ھِ جیندی محفوظ پناہ گاھواں پاکستان اچ ھن لہذا افغانستان اچ کامیابی دے واسطے انہاں محفوظ پناہ گاہواں کو نظر انداز نی کیتا ونج سکدا۔
واضح رھاوے کہ گزشتہ روز امریکا نے پاکستان دی ہر طرح دی مالی و فوجہ امداد روکیندے ہووے تمام تر سیکورٹی تعاون معطل کرن دا اعلان کر ڈیتے۔
