وزیر خارجہ شاہ محمود قریسی نے عراق ءچ امریکی حملے ءچ ایرانی جنرل قاسم سلیمانی دے بعد خطے ءچ پیدا تھیوݨ والی صورتحال تے ایران، سعودی عرب تے ترکی سمیت مختلف ممالک دے وزراء خارجہ نال فون تے رابطے کر تے تبادلہ خیال کیتا تے تحمل دا مظاہرہ کرݨ تے زور ݙیتا
ترجمان دفتر خارجہ عائشہ فاروقی دی طرفون جاری تھیوݨ والے اعلامیے ءچ آکھا گئیا ھِ کہ وزیر خارجہ شاہ محمود قریشی نے سعودی عرب ، متحدہ عرب امارات ، ترکی تے ایران دے وزیراں نال ٹیلی فون تے گالھ مہاڑ کیتی ، دفتر خارجہ دا آکھݨ ھا کہ انہاں حالیہ صورتحال تے پاکستان دی گہری تشویش بارے آگاہ کریندے ہووے تنازع توں بچݨ تے کشیدگی کوں گھٹ کرݨ کیتے تحمل دا مظاہرہ کرݨ تے زور ݙیتا، شاہ محمود قریشی نے تمام فریقین کوں یو این چارٹر دے مطابق پر امن طریقے نال اختلاف حل کرݨ دی یقین دھانی کروائی ۔ وزیر خارجہ نے ٹیلی فون دے ذریعے خطے ءچ وزرائے خارجہ کوں یقین ݙیوایا کہ پاکستان خطے دے کہیں وی تنازعے دا حصہ نا بنڑسی تے اپنڑیں سر زمین کہیں قیمت تے کہیں وی ݙوجہی ریاست دیخلاف استعمال نا تھیوݨ ݙیسی ۔ بیان دے مطابق وزیر خارجہ نے پاکستان دے حوالے نال گالھ کریندے وہوے آکھیا کہ امید ھِ افغان امن عمل بقرار رھاسی تے مزید پیش رفت جاری رھاسی ، دفتر خارجہ نے بیان ءچ مزید آکھیا کہ پاکستان خطے ءچ کشیدگی ءچ کمی گھن آوݨ تے امن و استحکام کوں بقرار رکھݨ ءچ اپنڑاں کردار ادا کریندا رھاسی۔
