اسلام آباد (سرائیکی نیوز) پاکستان دی طرفوں قدس فورس دے سربراہ جنرل قاسم سلیمانی دی امریکی حملے ءچ ھلاکت تے تشویش دا اظہار کیتا ھِ ترجمان دفتر خارجہ دی طرفوں جاری بیان ءچ آکھا گئیا ھِ کہ پاکستان کوں مشرق وسطی ءچ تھیوݨ والی حالیہ پیش رفت تے گہری تشویش ھِ ایندی وجہہ توں امن و استحکام کوں خطرات لاحق تھئے ھن ، اقوام متحدہ دے چارٹر دے مطابق خود مختاری تے علاقائی سالمیت بنیادی اصول ھِ تے ایندا احترام کیتا ونجنڑاں چاھیدا ھِ ترجمان دفتر خارجہ نے آکھیا کہ اے بہوں ضروری ھِ کہ یکطرفہ کارروائیاں تے طاقت دے استعمال توں گریز کیتا ونجے ، فریقین کوں چاھیدے کہ او تحمل دا مظاہرہ کرن کشیدگی کوں گھٹ کرݨ کیتے روابط بہتر بنڑاون تے معاملات کوں سفارتی ذرائع نال اقوام متحدہ دے چارٹر تے عالمی قوانین دی روشنی ءچ حل کرن
خیال رھاوے کہ امریکہ نے جمعرات تے جمعہ دی درمیان رات عراق دے دارالحکومت بغداد دے ڈرون حملہ کیتا ھا جیندے ءچ ایران دی پاسداران انقلاب دی ذیلی تنظیم قدس فورس دے سربراہ میجر جنرل قاسم سلیمانی وی مارے گئے
