اسلام آباد(سرائیکی نیوز) آرمی چیف دی مدت ملازمت ءچ توسیع دے معاملے ءچ سپریم کورٹ دے فیصلے دیخلاف حکومت دی نطرثانی درخواست ابتدائی سماعت کیتے منظور کر گھیدی ھِ
ذرائع دے مطابق رجسٹرار آفس نے نظر ثانی درخواست تے نمبر الاٹ کر ݙیتا نظر ثانی درخواست چیف جسٹس گلزار احمد دی ھدایت تے سماعت کیتے مقرر کیتی ویسی واضح رھاوے کہ وفاقی حکومت نے گزشتہ روز آرمی چیف دی مدت ملازمت ءچ توسیع تعیناتی توں متعلق سپریم کورٹ دے ݙیتے گئے فیصلیاں ءچ نظرثانی اپیل دائر کیتی ھائی وفاقی حکومت ، وزیر اعظم عمران خان صدر مملکت ڈاکٹر عارف علوی تے آرمی چیف جنرل قمر جاوید باجوہ درخواست گزر ھن درخواست دی نقل ءچ سپریم کورٹ نال مذکورہ فیصلے کوں کالعدم قرار ݙیوݨ دی استدعا کیتی گئی ھِ جو سابق چیف جسٹس آصف سعید کھوسہ دی سربراھی ءچ ٣ رکنی بینچ نے ݙیتا ھا عدالت عظمی ءچ اٹارنی جنرل دی طرفوں دائر کیتی گئی درخواست ءچ فیصلے دے قانونی پہلوواں تے سوالات چاتے گئے ھن۔ درخواست ءچ آکھیا گئیا ھا کہ اے حکم بے ضابطگیاں دا شکار ھِ جیں نے انصاف دی مدد نال تھیوݨ والے ھک عمل کو نا انصافی دے عمل ءچ تبدیل کر ݙیتا، ایندے علاوہ اے وی دعوی کیتا گئیا ھا کہ عدالت نے آئین ءچ وضع کردہ قوانین دے نال ناہ اہم قوانین کوں وی مکمل طور تے نظر انداز کیتا ھِ
