بلاول نے ماں دی برسی تے ابو بچاو مہم چلا ݙیتی، مراد سعید
اسلام آباد (سرائیکی نیوز ۔ آن لائن) وفاقی وزیر برائے مواصلات مراد سعید دا آکھݨ ھا کہ اناں کوں امید ھائی کہ پیپلز پارٹی دے حادثاتی چیئرمین بی بی دی برسی دے موقع تے ابو بچاو مہم کیتے استمعال نا کریسن لیکن حادثاتی چیئرمین نے ھک واری ول واضح کر ݙیتا کہ والد دی کرپشن بچاوݨ تے تقسیم دی سیاست دے علاوہ انہاں دا کوئی ݙوجہا مقصد کینی ، جمہوری دی روح کوں چھلنی کرݨ دا کوئی ذمہ دار ھِ تاں او بلاول دے والد تے انہاں دے انکل نواز شریف ھن۔
لیاقت باغ ءچ بلاول بھٹو زرداری دی تقریر تے رد عمل دا اظہار کریندے ہووے مراد سعید دا آکھݨ ھا کہ ہوونڑاں تاں اے چاھیدا ھا کہ بلاول بی بی دے جائے شہادت تے کھڑے تھئی تے اپنڑیں پیو دی سیاست دا تنقیدی جائزہ گھیندے ، کرپشن لٹ مار دے دفاع دے علاوہ کوئی ھدف ہوندا تاں بلاول اج دے ݙینھ کوں خود احتسابی کیتے استمعال کریندے حادثاتی چیئرمین دے نال سٹیج تے براجمان ٹولہ بھٹو دے نظریات تے سیاسی میراث کوں زندہ درگو کرݨ دا ذمہ دار ھِ انہاں آکھیا کہ جئیں سیاسی فلسفے دے بھٹو خالق ھن ایکوں بلاول دے والد نے سمندر بردکریندے ہووے لوٹ مار دا نظریہ متعارف کروایا ، بلاول تے انہاں دے والد دی سیاست دا حقیقی چہرہ سندھ بھر ءچ نظردی بدحالی ءچ ڈیٹھا ونج سکدے پنجھ سال تک بی بی دی روح قاتلاں دے تختہ دار تے لٹکݨ دی منتظر رہی لیکن بلاول دے والد ایوان صدر ءچ بھہ تے ٹھیکیاں دے بولیاں لائندے رئے انہاں آکھیا کہ پیپلز پارٹی دا ٥ سالہ دو راقتدار انجام کوں پھجا تاں بی بی دے قاتل تاں ان ملے شرجیل میمنوں، سراج درانیوں تے غنی مجیدوں وانگوں جیب کتراں دی ھک فوج نظر آئی حادثانی چیئرمین نے ھک واری ول واضح کر ݙیتا کہ والد دی کرپشن بچاوݨ تے تقسیم دی سیاست دے علاوہ انہاں دا کوئی ݙوجہہ ایججنڈا کینی ، گزرن تریھ دھائیاں توں قوم دے نال کیتی ونجݨ والی ہر وارداد دیاں لڑیاں انہاں دے پیو توں ونج ملدے ھن۔
