پاکستان ایف اے ٹی ایف ڊی گرے لسٹ ءچ شامل

واشنگٹن(سرائیکی نیوز۔مانیٹرنگ ڈیسک) سفارتی ذرائع نے دعوی کیتا ھِ کہ پاکستان کوں باقاعدہ طور تے دہشت گرداں دی مالی معاونت کرݨ والے ممالک دی گرے لسٹ ءچ شامل کر گھیدا گئیا ھِ واضح رھاوے کہ مذکورہ رپورٹ دی آزاد ذرائع توں تصدیق نی تھئی سکی تے ٣٧ ملکاں تے مشتمل فنانشل ایکشن ٹاسٹک فورسز ایف اے ٹی ایف دی طرفوں تاحال کوئی اعلامیہ وی جاری نی کیتا گئیا ، ذرائع نے ڈسایا کہ ایف اے ٹی ایف نے پیرس ءچ منعقدہ ھک کانفرنس ءچ فیصلہ کیتا جیندے ءچ آکھیا گئیا کہ پاکستان دی سر زمین توں دہشت گرداں دی مالی امداد دی نگرانی تے خاتمے کیتے مربوچ لائحہ عمل تیار کرݨ ءچ ناکام رھیے۔ ایں توں پہل نگران وزیر خزانہ ڈاکٹر شمشاد اختر نے ایف اے ٹی ایف تے زور ݙیتا ھا کہ پاکستان کوں گرے لسٹ دی فہرست توں کڈھا ونجے۔ واضح رھاوے کہ فنانشل ایکشن ٹاسک فورس ھک عالمی ادارے ھِ جو جی سیون ملکاں دی ایما تے بنڑایا گئیا ھِ جو منی لانڈرنگ تے دہشت گرداں دی مالی امداد دی نگرانی کریندا ھِ تاہم پاکستان ایں ادارے دا براہ راست رکن کینی۔ مذکورہ و غیر سرکاری اداری کہیں ملک تے پابندی عائد کرݨ دے اختیار نی رکھیندا لیکن گرے تے بلیک کیٹیگری واضح کریندا ھِ تاہم ایندے بعد بین الاقوامی سطح تے زر مبادلی دی نقل و حرکت تے ترسیل ءچ غیر معمولی مشکلات دا سامنڑاں تھیندا ھِ پاکستان کوں گرے لسٹ ءچ شامل کرݨ توں متعلق فیصلی رواں سال جنوری ءچ منعقد تھیوݨ والے اجلاس ءچ کیتا گئیا ھا